Fana: At a Speed of Life!

ጋይንት ከአሸባሪው ቡድን ነጻ ሆነ

አዲስ አበባ፣ ነሐሴ 16፣ 2013 (ኤፍ ቢ ሲ) በመከላከያ ሠራዊት፣ በአማራ ልዩ ኃይል፣ ሚሊሻ፣ ፋኖና በሕዝቡ ተጋድሎ አሸባሪው የትህነግ ቡድን በደቡብ ጎንደር ከፍተኛ ኪሳራ ደርሶበታል።
በዚህም ወሯቸው ከነበሩ አካባቢዎች ለመውጣት ተገዷል ነው የተባለው።
የደቡብ ጎንደር ዞን ዋና አስተዳዳሪ ቀለምወርቅ ምህረቴ ወቅታዊ ጉዳይን አስመልክቶ ከንፋስ መውጫ ነዋሪዎች ጋር ውይይት አድርገዋል።
የአሸባሪው ቡድን በሀገር መከላከያ ሠራዊት፣ በአማራ ልዩ ኃይል፣ ሚሊሻ፣ ፋኖና ሕዝቡ በደረሰበት ጥቃት ከአካባቢው ለመውጣት መገደዱን ተናግረዋል፡፡
በርካታ የአሸባሪው ቡድን በጉና ተራራ እንዲቀበር በማድረግ ታሪካችንን ማደስ ችለናልም ነው ያሉት።
ከጠላት ጋር በነበረው ትግል በታሪክ የሚዘከሩ ጀግኖች መፈጠራቸውንም ገልፀዋል፡፡
አሁን የተገኘዉን እፎይታ እስከ መጨረሻ የድል ግብ ሳንቆጥር አሸባሪውን ቡድን ለአንዴና ለመጨረሻ ጊዜ በሚደረገው ትግል ሁላችንም መተባበር አለብን ብለዋል አቶ ቀለመወርቅ።
የተጎዱ የመሰረተ ልማቶችን በተመለከተም ለነዋሪው በሰጡት ማብራሪያ የስልክ አገልግሎት ተመልሶ አገልግሎት እንዲሰጥ ዛሬ ጥገና መጀመሩን ገልፀው÷ ሌሎች መሰረተ ልማቶችም በየደረጃው የሚጠገኑ መሆኑን አስረድተዋል።
ወጣቶች አካባቢያቸውን የመፈተሽና ጠላትን የመለየት ሥራ መሥራት እንደሚገባቸው ማሳሰባቸውን አሚኮ ዘግቧል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.