Fana: At a Speed of Life!

በኢትዮጵያ ሳይንስ አካዳሚ የፈጠራ ስራዎችንና ስልጠናዎችን ለማስፋት በትኩረት ይሰራል- ትምህርት ሚኒስቴር

አዲስ አበባ፣ ነሐሴ 17፣ 2013 (ኤፍ ቢ ሲ) በኢትዮጵያ ሳይንስ አካዳሚ እየተሰሩ ያሉ የፈጠራ ስራዎችን እና ስልጠናዎችን በሁሉም አካባቢዎች ለማስፋት ከአካዳሚው ጋር አብሮ እንደሚሰራ ትምህርት ሚኒስቴር አስታወቀ፡፡
የሚኒስቴር አመራሮች አካዳሚው ለተማሪዎች በሳይንስና በቴክኖሎጂ ዙሪያ ተማሪዎች እንዲበረታቱ እየተደረገ ያለበትን ሁኔታ እና በተማሪዎች የተሠሩ የፈጠራ ስራዎችን ጎብኝተዋል፡፡
ሚኒስትሩ ዶክተር ኢንጅኒየር ጌታሁን መኩሪያ አካዳሚው በሂሳብና ሳይንስ ትምህርቶች የተማሪዎችን ፍላጎት ለማሳደግ የፈጠራ ስራ እንዲሰሩ የሚያደርጉ አሰራሮችን አድንቀዋል፡፡
በአካዳሚው እየተሰሩ ያሉ የፈጠራ ስራዎችን እና ስልጠናዎችን በሁሉም አካባቢዎች ለማስፋት ሚኒስቴሩ ከአካዳሚው ጋር በትኩረት አብሮ ይሰራል ብለዋል፡፡
የኢትዮጵያ ሳይንስ አካዳሚ ፕሬዚዳንት ፕሮፌሰር ጽጌ ገብረ ማርያም አካዳሚው በሳይንስ ትምህርቶች ዙሪያ የተማሪዎችን ዝንባሌ ለማሳደግና የመፍጠር አቅማቸውን ለማሳደግ በርካታ ስራዎች እየተሰሩ ነው ብለዋል፡፡
ማዕከሉ በአሁኑ ሰዓት ውጤታማ ተማሪዎችን በማሰባሰብ በኤሌክትሮኒክስና በአይሲቲ ዙሪያ ተማሪዎችን እያሰለጠነ እንደሚገኝ ፕሬዝዳንቱ መግለጻቸውን ከትምህርት ሚኒስቴር ያገኘነው መረጃ ያመለክታል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.