Fana: At a Speed of Life!

በትህነግ ቡድን የወደመውን የአርሶ አደሮች ሰብል ለማካካስ እየተሰራ ነው – የአማራ ክልል ግብርና ቢሮ

አዲስ አበባ፣ ነሐሴ 17፣ 2013 (ኤፍ ቢ ሲ) ዋነኛ የግብርና የስራ ወቅትን ጠብቆ ወረራ የፈፀመው አሸባሪው የትህነግ ቡድን የአርሶ አደሮችን ሰብል ማውደሙን የአማራ ክልል ግብርና ቢሮ አስታወቀ፡፡

ይሁን እንጅ በመከላከያ ሠራዊት፣ በአማራ ልዩ ሀይል፣ በሚሊሻና በህዝባችን ተጋድሎ በወረራ የያዛቸው ቦታዎች ነፃ እየወጡ መሆናቸውን ተከትሎ÷ በአሸባሪው የወደመውን የአርሶ አደሮች ሰብል ለማካካስ የአማራ ክልል ግብርና ቢሮ የማካካሻ እቅድ አዘጋጅቶ እንቅስቃሴ መጀመሩን የቢሮ ኃላፊው ዶክተር መለስ መኮንን ገልፀዋል፡፡

የማካካሻ እቅዱ በቀሪ እርጥበት የሚዘሩ ሰብሎችን ለይቶ በዘር መሸፈን፣ በመስኖ ልማት ያለውን አቅም አሟጦ መጠቀምና ቴክኖሎጅዎችን ለአርሶ አደሩ በማቅረብ እንደሚሰራ ኃላፊው ተናግረዋል፡፡

ጨለምተኛውን የሽብር ቡድን እየደመሰስን÷ ከግብርና ስራችን ለሰከንድም ቢሆን ዓይናችንን ሳንነቅል በቁርጠኝነት እየሰራን ነውም ብለዋል፡፡

በግፍ የተፈናቀሉ ወገኖቻችንን ድጋፍ ለማድረግ በተለይ የእርዳታ እህል በወቅቱ እንዲደርሳቸው ከፌደራል ተቋማት ጋር በጋራ እየተሰራ መሆኑንም ዶክተር መለስ መናገራቸውን ከአማራ ክልል ግብርና ቢሮ ያገኘነው መረጃ ያመለክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.