Fana: At a Speed of Life!

የደቡብ ዕዝ ስታፍ የሰራዊት አባላት በወቅታዊ ሁኔታዎች ላይ ውይይት አካሄዱ

አዲስ አበባ፣ ነሃሴ 18፣ 2013(ኤፍ ቢ ሲ)በደቡቡ  የሀገሪቱ ክፍል ተልዕኳቸውን እየተወጡ የሚገኙት የደቡብ ዕዝ ስታፍ የሰራዊት አባላት በወቅታዊ ሁኔታዎች ላይ ውይይት አካሄዱ፡፡

ዕዙ በሰሜኑ የሃገራችን ክፍል ያለውን አሸባሪ ሃይል ለመደምሰስ እየከፈለ ያለው የህይወት ዋጋ ለድል እንዲበቃ በርካታ የድጋፍ ስራዎችን እያከናወነ መሆኑ ተገልጿል፡፡

የሰራዊት ክፍሉ በተሰማራበት የግዳጅ ቀጠናም የሽብር ስራዎች ባለ-አባት የሆኑት ሸኔና ህወሓት ሊያከናውኑ የሚያስቡትን እኩይ ተግባራቶች በማክሸፍ ላይ እንደሚገኝ በውይይቱ ተነስቷል፡፡

ውይይቱን የመሩት የዕዙ ስታፍ አስተባባሪ ኮሎኔል ግርማ አየለ ሰራዊታችን በሰሜኑ የሃገራችን ክፍል የመጣውን የሽብርተኛው ህወሓት ወራሪ ሃይል የሚገባውን በመስጠት ታሪክ የማይዘነጋው ስራ እየተከናወነ እንደሚገኝ ጠቁመዋል፡፡

በደቡብ የሃገራችን ክፍል ወቅታዊ ግዳጆችን እየተወጣ የሚገኘው የሰራዊት ክፍልም በቀጠናው ሊከሰቱ የሚችሉ የሽብር ስጋቶችን ቀድሞ በመረዳትና ለችግሩ የሚመጥን ጠንካራ የዕዝ ሰንሰለት በመዘርጋት አመርቂ ተግባራቶች እንደተከናወኑ ኮሎኔል ግርማ አየለ ተናግረዋል፡፡

አሸባሪው ህወሓት ከደቀነብን የዘመናት ችግር ተላቀን የበለፀገችና አስተማማኝ ሰላም የሰፈነባት ኢትዮጵያን ለማየትና ለመጪው ትውልድ ለማስረከብ ዛሬ ላይ ጠንክሮ መስራትና ጠላቶቻችን ከደገሱልን የጥፋት ወጥመድ መውጣት እንደሚገባም የሰራዊቱ አባላቱ ተናግረዋል ሲል የደቡብ ዕዝ ኢንዶክትሪኔሽን ያደረሰን መረጃ ያመለክታል ሲል ኢቢሲ ዘግቧል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

 

You might also like

Leave A Reply

Your email address will not be published.