Fana: At a Speed of Life!

የአላባ ዞን ነዋሪዎች ለሶስተኛ ጊዜ ለመከላከያ ሰራዊት ድጋፍ አደረጉ

አዲስ አበባ፣ ነሐሴ 18፣ 2013 (ኤፍ ቢ ሲ) የአላባ ዞን ነዋሪዎች ለሶስተኛ ጊዜ ለመከላከያ ሰራዊት የገንዘብ እና የዓይት ድጋፍ አደረጉ፡፡
የአላባ ዞን አስተዳደር ከነዋሪዎችና ከመንግስት ሰራተኞች ያሰባሰበውን አራት ሚሊየን ብር፣ 172 ሰንጋዎችና ሰላሳ ዘጠኝ በግና ፍየሎችን የሰራዊቱና የዞኑ አመራሮች፣ የሀገር ሽማግሌዎችና የሀይማኖት አባቶች በተገኙበት ለመከላከያ የድጋፍ አሰባሳቢ ኮሚቴ አስረከበ፡፡
ድጋፉን ያስረከቡት የአላባ ዞን ዋና አስተዳዳሪ ዶክተር መሀመድ ኑርዬ፣ የዞኑ ነዋሪዎች ለሰራዊታችን በአጠቃላይ 26 ሚሊየን 750 ሺህ ብር ድጋፍ ያደረጉ መሆኑን አስታውቀዋል፡፡
አሸባሪው ኃይል እስኪወገድ ድረስ ለሰራዊታችን የሚደረገው የአይነትም ሆነ የገንዘብ ድጋፍ ይቀጥላልም ነው ያሉት፡፡
ድጋፉን የተረከቡት የመከላከያ ድጋፍ አሰባሳቢ ኮሚቴ ሰብሳቢ ብርጋዴር ጄኔራል አስረስ አያሌው÷ ህብረተሰቡ ለሰራዊቱ ስላደረገው ድጋፍ አመስግነዋል፡፡
የቅርብና የሩቅ የሀገራችን ጠላቶች ተላላኪ የሆነው አሸባሪው ቡድን ሀገራችንን ለመበታተን ከተነሳ ጀምሮ የህብረተሰቡ ድጋፍ ለሰራዊታችን የሞራልና የሎጂስቲክ አቅም እየሆነው መሆኑንም ነው የተናገሩት፡፡
ይህንን የሀገራችንን ጠላት ቡድን ለአንዴና ለመጨረሻ ጊዜ ከስሩ ነቅሎ ለማጥፋት ለሚደረገው ትግል የአላባ ዞን አመራሮች፣ የሀይማኖት አባቶች፣ ነዋሪዎችና ባለሀብቶች ላደረጉት ድጋፍ በመከላከያ ስም ማመስገናቸውን ከመከላከላያ ሰራዊት ያገኘነው መረጃ ያመለክታል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.