Fana: At a Speed of Life!

ህብረተሰቡ ለህልውና ዘመቻ የሚያደርገውን ድጋፍ ሊቀጥል ይገባል ተባለ

አዲስ አበባ፣ ነሐሴ 18፣ 2013 (ኤፍቢ ሲ) ህብረተሰቡ ለህልውና ዘመቻ የሚያደርገውን አጠቃላይ ድጋፍ አጠናክሮ እንዲቀጥል የአማራ ክልል ሰራተኛና ማህበራዊ ጉዳይ ቢሮ ጠየቀ።
በምክትል ርዕሰ መስተዳድር ማዕረግ የአማራ ክልል ሰራተኛና ማህበራዊ ጉዳይ ቢሮ ኃላፊ ዶክተር ሙሉነሽ አበበ ፥ የህልውና ዘመቻውን መሰረት አድርጎ በክልሉ እየተደረገ ያለውን የስንቅ ዝግጅት በተመለከተ መግለጫ ሰጥተዋል።
ኃላፊዋ በተለያዩ አደረጃጀቶች ህብረተሰቡ በሀብት መለገስና ስንቅ በማዘጋጀት እየተሳተፈ መሆኑን አስታውሰው፥ እስከ አሁን ባለው መረጃ 29 ሺህ 188 ኩንታል የበሰለና ያልበሰለ እህል ተሰብስቧል ብለዋል።
ከዚህ ውስጥ 15 ሺህ 966 ኩንታል ስንቅ ወደ ጦር ግንባር መላኩን ገልፀው÷ ለቁስለኞች የሚሆን ደምም ከበጎ ፈቃዳኛ ወገኖች መሰብሰብ እንደተቻለ አስረድተዋል፡፡
በተጨማሪም 6 ሺህ 882 የእርድ ከብቶች ከህብረተሰቡ መሰብሰቡንም ነው ያስታወቁት፡፡
በክልል ደረጃ 4 ነጥብ 2 ቢሊየን ብር ለህልውና ዘመቻው ለመሰብሰብ መታቀዱን ገልፀው÷ አሁንም ተጨማሪ ሀብት መሰብሰብ የሚጠይቅበት ጊዜ ላይ ነን ብለዋል።
አሁን ጊዜው የመስጠት መሆን አለበት ያሉት ሀላፊዋ ፥ድጋፍ የማሰባሰብ ስራው በሚፈለገው ልክ ስላልሆነ በህልውና ላይ የተቃጣውን አደጋ ለመመከት ህዝቡ በንቃት መሳተፍ አለበት ሲሉ ጥሪ አቅርበዋል፡፡
በጦርነቱ ምክንያት የተፈናቀሉ ዜጎችን ለመደገፍ የክልሉ መንግስት ጥረት እያደረገ ቢሆንም÷ ከብዛቱ አንፃር ሌሎች ድርጅቶችና ግለሰቦች እንዲያግዙም ጠይቀዋል።
አሸባሪው ቡድን እስኪደመሰስ ድረስ አሁን የተጀመሩ የድጋፍ ተግባራት በቀጣይ ጊዜም በተጠናከረ መንገድ እንዲቀጥል የክልሉ መንግስት ጥሪ አቅርቧል።
በምናለ አየነው
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.