Fana: At a Speed of Life!

የመገናኛ ብዙሃን አንድነትን በማጠናከር አኳያ ሚናቸው ከፍ ያለ ነው

አዲስ አበባ፣ ነሃሴ 18፣ 2013(ኤፍ ቢ ሲ)የመገናኛ ብዙሃን አንድነትን በማጠናከር አኳያ ሚናቸው ከፍ ያለ ነውፌዴሬሽን ምክር ቤት ምክትል አፈ ጉባዔ ወይዘሮ ዕፅገነት መንግስቱ ገልጸዋል፡፡

ምክር ቤቱ ‘’ሚዲያ፣ ሕገ መንግስታዊ ስርዓትና ሀገርን የማዳን ጥያቄ’’ በሚል ርዕስ ጉዳይ ላይ ከሚዲያ ተቋማት ጋር ውይይት ማካሄዱ ተገልጿል፡፡

በዚሁ ወቅት ፌዴሬሽን ምክር ቤት ምክትል አፈ ጉባዔ ወይዘሮ ዕፅገነት መንግስቱ ፥የመገናኛ ብዙኃን የጋራ እሴቶች እኩልነትን፣ ማንነትንና አንድነትን በማጠናከር የኢትዮጵያ ብሔሮች፣ ብሔረሰቦችና ሕዝቦች ትስስርን ከመጠበቅ አኳያ ሚናቸው ከፍ ያለ መሆኑን ገልጸዋል፡፡

መንግስት በአሁኑ ጊዜ ሁሉም የኢትዮጵያ ብሔሮች፣ ብሔረሰቦችና ሕዝቦች በመተባበር የሕልውና ዘመቻን በቁርጠኝነት እያከናወኑ እንደሚገኝ የፌዴሬሽን ምክር ቤት ምክትል አፈ ጉባዔዋ ተናግረዋል፡፡

ወቅቱ የኢትዮጵያ ብሔሮች፣ ብሔረሰቦችና ሕዝቦች እንደ ጥንቱ እንደ ታላቁ አድዋ የውስጥና የውጭ አፍራሽ ሃይሎች ሀገራችንን ለመበታተን አሴረው የከፈቱብን ን ጦርነት በጠንካራ ሀገራዊ አንድነት በመመከት ላይ የምንገኘበት ጊዜ ነውም ነው ያሉት፡፡

የትግራይ ሕዝብም በስምህ ከሚነግደው ከሃዲና አሽባሪ ሕወሃት ቡድን ራስህን በመለየት ከሌሎች ወንድምና እህት ሕዝቦች ጋር በመሆን ለሀገር አንድነትና ለሠላምና ለልማት እንድትሰለፍ ሲሉ ጥሪ አስተላልፈዋል፡፡

የፌዴሬሽን ምክር ቤት የኢትዮጵያ ብሔሮች፣ ብሔረሰቦችና ሕዝቦች መካከል በወንድማማችነት ላይ የተመሰረተ ሕብረ ብሄራዊ አንድነት በይበልጥ እንዲጠናከር፣ እኩል ተሳትፎንና የጋራ ሃብቱን ፍትሃዊ ተጠቃሚነትን በማረጋገጥ በጠንካራ ክንድ የተገነባች ኢትዮጵያን እውን በማድረግ ለቀጠዩ ትውልድ ለማስተላለፍ የበኩሉን ሕገ መንግስታዊ ተልዕኮ እየተወጣ ነው ብለዋል፡፡

ምክትል አፈ ጉባዔዋአያይዘውም 16ኛው የብሔር፣ ብሔረሰቦችና ሕዝቦች ቀን በዓልን በማስመልከትም ከሌሎች ጊዜያት በተለየ የሕዝቦችን እኩልነት፣አንድነትና ትስስርን በሚያጠናክር መልኩ እንደሚከበርና እቅዱ ከዚህ አኳያ ተቃኝቶ እየተዘጋጀ እንደሆነ ገልፀዋል፡፡

በውይይት መድረኩ ላይ ከሁሉም ክልሎች ፣ ከፌዴራል መገናኛ ብዙሃንና ከኮሙዩኒኬሽን ቢሮዎች የተውጣጡ ሃላፊዎች እና ባለሙያዎች መሳተፋቸውን ከምክር ቤቱ ያገኘነው መረጃ ያመለክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.