Fana: At a Speed of Life!

ስር የሰደደ ድህነትን ለማስወገድ የስራ ዕድል ፈጠራ ተጠናክሮ ሊሰራበት እንደሚገባ ተጠቆመ

አዲስ አበባ፣ ነሃሴ 18፣ 2013(ኤፍ ቢ ሲ) ስር የሰደደ ድህነት ለማስወገድ የስራ ዕድል ፈጠራ ከፍተኛ ሚና አለውና አጠናክረን ልንሰራበት ይገባል ሲሉ የከተማ ልማትና ኮንስትራክሽን ሚኒስትር ዴኤታ ዶክተር መስፍን አሰፋ ገለጹ፡፡

የፌዴራል የከተሞች የስራ ዕድል ፈጠራ የምግብ ዋስትና ኤጄንሲ እንዲሁም በስሩ የሚገኙ ፕሮጀክቶች የ2013 በጀት ዓመት ዕቅድ አፈፃፀምና የ2014 ዕቅድ ላይ ከባለድርሻ አካላት ጋር ውይይት እያደረገ ነው፡፡

የመድረኩ የክብር እንግዳ የሆኑትና መድረኩን በንግግር የከፈቱት የከተማ ልማትና ኮንስትራክሽን ሚኒስትር ዴኤታ የሆኑት ዶክተር መስፍን አሰፋ በንግግራቸው በከተሞች የሚታየውን ስር የሰደደ ድህነት ለማስወገድ የስራ ዕድል ፈጠራ ዘርፍ ከፍተኛ ሚና አለውና አጠናክረን ልንሰራበት ይገባል ብለዋል፡፡

በ2013 በጀት ዓመት 1 ነጥብ 4 ሚሊየን ስራ አጦችን ወደ ስራ ለማስገባት አቅዶ 1 ነጥብ 7 ሚሊየን ለሚሆኑ ስራ ፈላጊዎች ስራ መፍጠር መቻሉን የገለጹት የፌዴራል የከተሞች ስራ ዕድል ፈጠራ የምግብ ዋስትና ኤጀንሲ ዋና ዳይሬክተር አቶ ገብረ መስቀል ጫላ ናቸው፡፡

ለስራ አጥ ወጣቶች የስራ ዕድል በመፍጠሩም ሆነ ከድህነት ወለል በታች ላሉ ዜጎች የምግብ ዋስትናን ለማረጋገጥ የሚሰሩ ስራዎችን በመደገፍ በቀጣይ የበለጠ መስራት ከሁሉም ባለድርሻ አካላት ይጠበቃል ያሉት ዶክተር እንድሪያስ ጌታ የወላይታ ዞን ዋና አስተዳዳሪ ናቸው፡፡

በበጀት አመቱ የተሻለ ውጤት ላመጡ ሰራተኞችም እውቅና የመስጠት መርሃ ግብር ተካሄዷል፡፡

በታሪክነሽ ሴታ

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.