Fana: At a Speed of Life!

ለህልውና ዘመቻው ከመንግስት ሰራተኛው ከ2 ቢሊየን በላይ ብር ለመሰብሰብ እየተሰራ ነው

አዲስ አበባ፣ ነሐሴ 18፣ 2013 (ኤፍ ቢ ሲ) በአማራ ክልል ለህልውና ዘመቻው ከመንግስት ሰራተኛው ደመወዝ ብቻ ከ2 ቢሊየን ብር በላይ ብር ለመሰብሰብ እየተሰራ መሆኑን የክልሉ ሲቪል ሰርቪስ ኮሚሽን አስታወቀ፡፡
የክልሉ የመንግስት ሰራተኛ በአንድ ዓመት የሚከፈል የወር ደመወዙን ለህልውና ዘመቻው ለመስጠት በገባው ቃል መሰረትከሃምሌ ወር ጀምሮ እየተቆረጠ መሆኑን የኮሚሽኑ ኮሚሽነር አቶ ሙሉቀን አየሁ ለፋናብሮድካስቲንግ ኮርፖሬት ገልጸዋል፡፡
በዚህም ከመንግስት ሰራተኛው ብቻ ከ2 ነጥብ 2 ቢሊየን በላይ ብር ለህልውና ዘመቻው ሃብት ለመሰብሰብ ጥረት እየተደረገ መሆኑን ነው ያስታወቁት፡፡
አብዛኛው የክልሉ የመንግስት ሰራተኛች ለመከላከያ ሰራዊት፣ አማራ ልዩ ሃይል ፋኖና ሚሊሻ የወር ደመወዙን ከመስጠት ባለፈ በግንባር እየተሳተፉ መሆናቸውን አስርድተዋል፡፡
እስከአሁን ከመንግሥት ሰራተኛው የተሰበሰበው ገንዘብ ጥሩ ነው ያሉት ኮሚሽነሩ÷ በደም ልገሳ እና ስንቅ በማዘጋጀት የሚያደርገው ተሳትፎ በተሻለ ቁርጠኝነት መቀጠል እንዳለበት አሳስበዋል፡፡
በምናለ አየነው
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.