Fana: At a Speed of Life!

በበጎ አድራጎትሽፋን ሴራ የሚሸርቡ ተቋማትን የሚቃወመው ዘመቻ እንደቀጠለ ነው

አዲስ አበባ፣ ነሐሴ 18፣ 2013 (ኤፍ ቢ ሲ) በበጎ አድራጎት ሽፋን ሴራ የሚሸርቡ ተቋማትን የሚቃወመው ዘመቻ ተጠናክሮ ቀጥሏል፡፡
 
ዛሬ ረፋድ ላይ በኢትዮጵያ የአሜሪካ ኤምባሲ በማህበራዊ ትስስር ገጹ÷”የምግብ እርዳታ ለህወሓት አልሰጠንም፤ ቡድኑ ሰርቆ ሊሆን ይችላል እንጂ” የሚል መግለጫ አውጥቷል።
 
መግለጫው እስከ ትላንት ምሽት ተጠናክሮ የቀጠለውን የትዊተር ሰፊ ዘመቻ ተከትሎ የተሰጠ ነው፡፡
 
በሌላ በኩል የተባበሩት መንግስታት ድርጅት በኢትዮጵያ ቢሮው በኩል÷ “ለየትኛውም የፖለቲካ ድርጅት አንወግንም፡፡ከኢትዮጵያ መንግስት ጋር በመተባበርም ድጋፍ ለሚሹ ወገኖች ያለምንም አድሎ የምናደርገውን እርዳታ የምንቀጥል ይሆናል” ማለቱ የሚታወስ ነው።
 
የተባበሩት መንግስታት ድርጀት ወቀሳውን የተመለከተው ከማህበራዊ ትስስር ገጽ መሆኑ መገንዘብ ይቻላል፡፡
 
ከቅዳሜ ምሽት ጀምሮ በተለየ ትኩረት እየተደረገ በሚገኘው”በእርዳታ ሽፋን የሚደረግ የጦር መሳሪያ ማስታጠቅ ይቁም!” የሚለው ዓለማቀፍ ዘመቻ አሁንም ተጠናክሮ ቀጥሏል።
 
በዚህም በሶስት ቀናት በትዊተር በተደረገ ዘመቻ 259 ሺህ መልዕክቶች ማሰራጨት ተችሏል፡፡
 
እነዚህ ሩብ ሚሊየን ትዊቶች በድምሩ 1 ነጥብ 3 ቢሊየን በላይ ዓለማቀፍ ተደራሾችን ማግኘት ችለዋል።
 
መልዕክቶች በ 9 ያህል ቋንቋዎች የተሰረጩ ሲሆን ÷ከእንግሊዝኛና አማርኛ በተጨማሪ በዓረብ ቋንቋ ሊስተጋባ ችሏል።
 
ፈረንሳይኛ፣ ሒንዲ፣ ሊቱኒያን፣ ፊኒሽ፣ ኢስቶኒያ እና ደች ቋንቋዎችም መልዕክቶቹ ከተሰራጩባቸው ቋንቋዎች መካከል ናቸው፡፡
 
መልዕክቱ ሰፊ ተደራሽ ያገኘባቸው 9 ሀገራትም አሜሪካ፣ እንግሊዝ፣ኢትዮጵያ፣ ሩሲያ፣ ጃፓን፣ ጀርመን፣ ካናዳ፣ይጄሪያ እና ሞሮኮ ሆነዋል።
 
”በእርዳታ ሽፋን የሚደረግ የጦር መሳሪያ ማስታጠቅ ይቁም!” የተሰኘው መፈክር ትላንት ምሽት ጀምሮ እስከ ዛሬ ረፋድ ብቻ 105 ሺህ ትዊቶች ተሰራጭውበታል።
 
መፈክሩ በተለየ ሁኔታ ትኩረት ተደርጎበት የሚቀጥል መሆኑም ተመላክቷል።
 
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.