Fana: At a Speed of Life!

የደቡብ ክልል ለመከላከያ ሠራዊት ድጋፍ አደረገ

አዲስ አበባ፣ ነሐሴ 18፣ 2013 (ኤፍ ቢ ሲ) ከደቡብ ክልል ህዝብ እና መንግስት የተደረገውን ድጋፍ ከክልሉ የተውጣጡ የሀገር ሽማግሌዎች እና የመንግስት የስራ ኃላፊዎች በወሎ ግንባር በመገኘት ዛሬ አስረክበዋል፡፡
በዚህም ግምታዊ ዋጋቸው 2 ሚሊየን ብር የሚያወጡ 55 ሰንጋዎችን ድጋፍ ማድረግ ተችሏል ተብሏል፡፡
የደቡብ ክልል የሀገር ሽማግሌዎች በርክክብ ስነ ስርአቱ እንደገለጹት÷ ሀገራችን የጀመረችው ጦርነት በድል እንዲጠናቀቅ በሁሉም ዘርፍ የሚደረገው ድጋፍ ተጠናክሮ ይቀጥላል ብለዋል።
የደቡብ ክልል ርዕሰ መስተዳድር የጸጥታና የደህንነት ጉዳዮች አማካሪ አቶ ኩታዬ ኩሲያ እንደገለጹት÷ የክልሉ ህዝብ ከዚህ ቀደም በተለያዩ ጊዜያት ድጋፍ ሲያደርግ ቆይቷል ብለዋል፡፡
ጥንት አያቶቻችን በደምና በአጥንት ያስረከቡንን ሀገር መጠበቅ የዚህ ትውልድ ድርሻ መሆኑንም ነው የገለፁት፡፡
የ13ኛ ክፍለ ጦር አዛዥ ኮሎኔል ሀሺም መሀመድ እንደገለጹት÷ የደቡብ ክልል መንግስት እና ህዝብ ለመከላከያ ሰራዊት ላደረገው ድጋፍ ምስጋና አቅርበዋል።
የሀገሪቱን ሰላም ለማስጠበቅ ሰራዊቱ እያደረገ ላለው ተጋድሎ የተደረገው ድጋፍ ወሳኝ ነው ያሉት አዛዡ÷ ህብረተሰቡ እያደረገ ያለውን ወገንተኝነት እንዲያጠናክር ማሳሰባቸውን ከደቡብ ክልል ኮሙኒኬሽን ያገኘነው መረጃ ያመለክታል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.