Fana: At a Speed of Life!

በመዲናዋ በግለሰብ መጋዘን ውስጥ ያለ አግባብ የተከማቸ 800 ኩንታል ባቄላ ተያዘ

አዲስ አበባ፣ ነሐሴ 18፣ 2013 (ኤፍ ቢ ሲ) በአቃቂ ቃሊቲ ክፍለ ከተማ በአንድ መጋዘን ውስጥ ተከማችቶ የተገኘ 800 ኩንታል ባቄላ መያዙን የአዲስ አበባ ፖሊስ ገለጸ።
 
የሀገረቱን ኢኮኖሚ ለማዳከም እና በዜጎች ዘንድ ምሬት ለመፍጠር የትህነግ ጁንታ ቡድን እና ተላላኪዎቹ በተለያየ መንገድ የኢኮኖሚ አሻጥሮችን እየፈጠሩ ይገኛሉ፡፡
 
ከተማ አስተዳደሩም የኢኮኖሚ አሻጥሩን ለመከላከል ከፌዴራል እስከ ከተማ ድረስ ከሚመለከታቸው ባለድርሻ አካላት ያሉበት የቁጥጥር ግብረ ሃይል በማዋቀር የተለያዩ የመፍትሄ እርምጃዎችን በመውሰድ ላይ መሆኑ ተመላክቷል፡፡
 
የአዲስ አበባ ፖሊስ ባደረገው ክትትልም በአቃቂ ቃሊቲ ክፍለ ከተማ ወረዳ 3 አካባቢ በአንድ የግለሰብ መጋዘን ውስጥ ባደረገው ብርበራ 800 ኩንታል ባቄላ ተከማችቶ ማገኘቱን አስታውቋል፡፡
 
እህሉን አከማችቷል የተባለው ግለሰብም በቁጥጥር ስር ውሎ ምርመራ እየደረገበት መሆኑ ነው የተገለጸው፡፡
 
ህብረተሰቡ ከመቼውም ጊዜ በላይ ሀገር አፍራሽ የሆኑ ማናቸውንም ህገ ወጥ እንቅስቃሴዎች በማጋለጥ ትብብሩን አጠናክሮ ሊቀጥል እና አካባቢውን በንቃት ሊጠብቅ እንደሚገባም ጥሪ መቅረቡን ከአዲስ አበባ ፖሊስ ኮሚሽን ያገኘነው መረጃ ያመላክታል
 
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.