Fana: At a Speed of Life!

የፌደራል ፖሊስ ኦርኬስትራና ቴአትር ቡድን በግዳጅ ላይ ለሚገኙ የሰራዊቱ አባላት የጥበብ ስራዎችን አቀረበ

አዲስ አበባ፣ ነሐሴ 18፣ 2013 (ኤፍ ቢ ሲ) የኢትዮጵያ ፌደራል ፖሊስ ኦርኬስትራና ቴአትር ቡድን በግዳጅ ላይ ለሚገኙ የሰራዊቱ አባላት የጥበብ ስራዎችን አቀረበ።

አንጋፋው የኢትዮጵያ ፌዴራል ፖሊስ ኦርኬስትራና ቴአትር ቡድን የኪነ-ጥበብ ስራዎቹን ሰሞኑን በአፋር ክልል ሚሌ ወረዳ አቀረበ፡፡

ቡድኑ የኪነ-ጥበብ ስራዎቹን ያቀረበው በወረዳው በግዳጅ ላይ ለሚገኙት የሀገር መከላከያ ሰራዊት፣ለፌዴራል ፖሊስ ፈጥኖ ደራሽ ፖሊስ ምስራቅ ዳይሬክቶሬት አመራሮችና አባላት፣ለአፋር ክልል ልዩ ሀይል ፖሊስ እንዲሁም ለሚሌ ወረዳ ማህበረሰብ ነው፡፡

የኪነ ጥበብ ዝግጅቱ ላይ የተገኙት የፈጥኖ ደራሽ ፖሊስ የድጋፍ አገልግሎት ምስራቅ ዳሬክቶሬት ም/ዳይሬክተር ባፉ ኢል የጥበብ ቡድኑ በግዳጅ ላይ የሚገኘውን ሰራዊት ለማነቃቃት ባቀረበው የኪነ-ጥበብ ስራ እጅግ መደሰታቸውን ገልፀዋል፡፡

የኪነ-ጥበብ ስራው ለፖሊስ አባላቱ የተሻለ አቅምና ትልቅ ሞራል እንደሚፈጥርላቸውም ተናግረዋል፡፡

በፕሮግራሙ ላይ የተገኙ የሰራዊቱ አባላት በበኩላቸው፥ ሀገርን ለመናድ ዕቅዱ አድርጎ በመንቀሳቀስ ላይ የሚገኘው አሸባሪው የህወሃት ጁንታ ቡድን ከስሩ ነቅሎ ለመጣል ብርቱ ትግል እያደረጉ መሆናቸውን ገልፀዋል፡፡

የሰራዊቱን መንፈስና ጥልቅ ሀገራዊ ስሜቱን በተሻለ ለማደስ በኪነ-ጥበብ ቡድኑ የተሰራው አመርቂ ስራ እጅግ እንዳስደሰታቸው ተናግረው ፥በቀጣይም የጥፋት ቡድኑን በመደምሰስ ሀገራችንን ወደ ቀደመ ሰላሟ ለመመለስ ዝግጁ መሆናቸውን ከፌደራል ፖሊስ ያገኘነው መረጃ ያመላክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.