Fana: At a Speed of Life!

የኤጀንሲዉ አባላት ለሀገር መከላከያ ሠራዊት የአንድ ወር ደሞዛቸዉን  እንደሚለግሱ  አስታወቁ 

አዲስ አበባ፣ ነሐሴ 18፣ 2013 (ኤፍ ቢ ሲ) የኢንፎርሜሽን መረብ ደህንነት ኤጅንሲ አመራር እና አባላት የአንድ ወር ደሞዛችዉን ለሀገር መከላከያ ሠራዊት እንደሚለግሱ  አስታወቁ  ።

ድጋፉ በፍቃደኝነት ላይ የተመሰረተ መሆኑን ያነሱተ የኢንፎርሜሽን መረብ ደህንነት ኤጀንሲ ዋና ዳይሬክተር ዶክተር ሹመቴ  ግዛዉ፥ ባለፉት ጥቂት ቀናት ዉስጥ ጥቂት የማይባሉ አባላት ከገንዘብ ድጋፍ ባሻገር ለመዝመት ከፍተኛ ፍላጎት ማሳየታቸውን  ጠቁመዋል።

እንደ ዜጋ ሀገርን የማስቀጠል ኃላፊንት አለብን ያሉት ዋና ዳይሬክተሩ ፥ከመከላከያዉ ጋር አብሮ የመቆም፣  ድጋፍ የማድረግ እና ሀገርን የማስቀጠል ኃላፊነት አለብን ብለዋል።

የሀገራችንን ህልዉና ለማስከበር የሚጠበቅብንን እንወጣለን ያሉት ዋና ዳይሬክተሩ በዚህም ኤጅንሲዉ በርካታ ስራዎችን እየሰራ እንደሚገኝ ገልጸዋል።

ከዚሁ ጎን ለጎንም የኤጀንሲዉ አባላት እና አመራሮች የደም ልገሳ መርሃ ግብር እያከናወኑ እንደሚገኙ የገለጹት  ዶክተር ሹመቴ፥ የደም ልገሳው በግንባር ለሚገኙ እና ጉዳት ደርሶባቸዉ ደም ለሚያስፈልጋቸዉ የሰራዊቱ አባላት  የሚሆን ነው ብለዋል፡፡

ኢትዮጵያ በአሁኑ ሰአት የህልዉና ዘመቻ ላይ ትገኛለች ያሉት ኤጀንሲዉ ምክትል ዋና ዳይሬክተር አቶ ይድነቃቸዉ ወርቁ ፥ የኤጀንሲዉ ሰራተኞች እና አመራሮች በገንዘብ ከሚያደርጉት ድጋፍ ባሻገር የደም ልገሳ ለማድረግ ወሳኙ ሰአት ላይ ነን ብለዋል።

የኤጀንሲዉ ሙሉ ሰራተኛ ከዳር እስከ ዳር በቴክኒክ፣ በፋይናንስ፣ ሆነ በመረጃ በኩል መከላከያን በመደገፍ  እየተሳተፉ መሆናቸዉን የጠቆሙት ኃላፊዉ፥ የደም ልገሳዉ መርሃግብር ደግሞ በጦር ግንባር እየተዋደቁ ላሉ እና ደማቸዉ ለሚፈሰዉ የሀገር መከላከያ ሠራዊት አባላት እና በተለያዩ አካባቢዎች በጁንታዉ ጉዳት እየደረሰባቸዉ ላሉ ወገኖቻችን የበኩላችን አስተዋጽኦ ለማበርከት ነዉ ማለታቸውን ከኢመደኤ ያገኘነው መረጃ ያመላክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.