Fana: At a Speed of Life!

የጀርመን መንግስት ኢትዮጵያ እያደረገች ያለችውን ጥረት እንዲደግፍ ተጠየቀ

አዲስ አበባ፣ ነሐሴ 18፣ 2013 (ኤፍ ቢ ሲ) በጀርመን የሚኖሩ ኢትዮጵያውያን፣ ትውልደ ኢትዮጵያውያንና የኢትዮጵያ ወዳጆች የጀርመን መንግስት ኢትዮጵያ እያደረገች ያለችውን ጥረት እንዲደግፍና በመልሶ ግንባታ ላይ እንዲሳተፍ በደብዳቤ ጠየቁ።
ደብዳቤው በአውሮፓ ህብረት ፓርላማ ጀርመንን ለወከሉ የፓርላማ አባላት፣ ለአውሮፓ ህብረት ፓርላማና ለአውሮፓ ህብረት ኮሚሽን ፕሬዚዳንት፣ ለታላላቅ የጀርመን ፖለቲካ ፓርቲዎች፣ ለጀርመኗ መራሄ መንግስት ጽህፈት ቤት፣ ለጀርመን ፓርላማ፣ ለጀርመን የተራድኦ ድርጅትና ከኢትዮጵያ ጋር የእህትማማች ስምምነት ለተፈራረሙ አራት ከተሞች የተላክ ነው ተብሏል።
የጀርመን መንግስት ኢትዮጵያ እያደረገች ያለችውን ጥረት እንዲደግፍና በመልሶ ግንባታ ላይ እንዲሳተፍ ጠይቋል።
ምዕራባውያን ሃገራት በኢትዮጵያ መንግስት ላይ እየፈጠሯቸው ያሉት ያልተገቡ ጫናዎች አሸባሪውን የህወሓት ቡድን ለበለጠ ጥፋት እያነሳሳው መሆኑን በደብዳቤያቸው ገልጸዋል።
ሃገራቱ አሸባሪው የህወሓት ቡድን እየፈጸማቸው ያሉ የጦር ወንጀሎችን በማያሻማ መንገድ እንዲያወግዙ ከማሳሰቡም በላይ÷ የአውሮፓ ህብረትም ሆነ የጀርመን መንግስት ራሳቸውን ኢሰብአዊ ድርጊቶችን በመፈጸም ላይ ከሚገኘው አሸባሪ ቡድን እንዲያርቁና ለአፍሪካ ቀንድ መረጋጋት የበኩላቸውን አስተዋጽኦ እንዲያበረክቱ መጠየቃቸውን ከዲያስፖራ ኤጀንሲ ያገኘነው መረጃ ያመለክታል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን
You might also like

Leave A Reply

Your email address will not be published.