Fana: At a Speed of Life!

መሰረታዊ የሸማቾች ህብረት ሥራ ማኀበራት ለመከላከያ ሠራዊት ድጋፍ አደረጉ

አዲስ አበባ፣ ነሐሴ 19፣ 2013 (ኤፍ ቢ ሲ) በአዲስ አበባ ከተማ የሚገኙ መሰረታዊ የሸማቾች ህብረት ሥራ ማኀበራት ለሀገር መከላከያ ሠራዊት ከ15 ሚሊየን ብር በላይ ድጋፍ አድርገዋል፡፡
የከተማ ኀብረት ሥራ ኤጀንሲ፣ የክፍለ ከተማና የወረዳ ኀብረት ሥራ ጽህፈት ቤት አመራሮችና ሠራተኞች ‹‹ደማችንን ለመከላከያ ሰራዊታችን›› በሚል መሪ ቃልም ደም ለግሰዋል፡፡
የአዲስ አበባ ከተማ ህብረት ሥራ ኤጀንሲ ዋና ዳይሬክተር አቶ ውብነህ እምሩ በመርሐግብሩ እንደገለጹት በከተማዋ የሚገኙ 148 መሰረታዊ የሸማቾች ህብረት ሥራ ማኀበራት ለሀገር መከላከያ ሠራዊት ከ15 ሚሊየን ብር በላይ የሚገመት ጥሬ ገንዘብ እና የቁሳቁስ ድጋፍ ማድረጋቸውን ተናግረዋል፡፡
የኤጀንሲው ሰራተኞችና አመራሮችም ለመከላከያ ሰራዊት ደጀን መሆናቸውን ለመግለጽ የወር ደሞዛቸውን ለግሰዋል።
በቀጣይም የሸማቾች ህብረት ሥራ ማኀበራቱን በማስተባበር ለሀገር መከላከያ ሠራዊት የሚያደርጉትን ሁለንተናዊ ድጋፍ አጠናክረው እንደሚቀጥሉ ዳይሬክተሩ መናገራቸውን የአዲስ አበባ ፕሬስ ሴክሬትሪያት መረጃ ያመለክታል።
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.