Fana: At a Speed of Life!

በሰሜን ሸዋ ዞን ለህልውና ዘመቻው የሚደረገው ድጋፍ ተጠናክሮ እንዲቀጥል ተጠየቀ

አዲስ አበባ፣ ነሐሴ 20፣ 2013 (ኤፍ ቢ ሲ) በአማራ ክልል ሰሜን ሸዋ ዞን ለህልውና ዘመቻው የሚደረገው ድጋፍ ተጠናክሮ እንዲቀጥል ዞኑ ጥሪ አቀረበ፡፡
ህብረተሰቡ በገንዘብ ድጋፍና በስንቅ ዝግጅት ያደረገውን ርብርብ አጠናክሮ ሊቀጥል እንደሚገባ የዞኑ ምክትል አስተዳዳሪ አቶ ብርሃኑ ታየ ጠይቀዋል፡፡
ህብረተሰቡ ያደረገው ዘርፈ ብዙ ድጋፍ የሚደነቅ ነው ያሉት ምክትል አስተዳዳሪው÷ እስካሁንም 199 ሚሊየን ብር ድጋፍ መሰብሰቡን ገልፀዋል፡፡
ይሁን እንጅ ዞኑ ለመሰብሰብ ከያዘው ዕቅድ አኳያ ድጋፍ የማሰባሰብ ስራው በሚፈለገው ልክ አይደለም ብለዋል፡፡
በዚህም በህልውና ላይ የተቃጣውን አደጋ ለመመከት ህዝቡ በንቃት መሳተፍ አለበት ነው ያሉት።
አሸባሪው ሃይል እስከሚደመሰስ ድጋፉ ተጠናክሮ ሊቀጥል ይገባል ያሉት አቶ ብርሃኑ÷ ዞኑ 600 ሚሊየን ብር ለመሰብሰብ አቅዶ እየሰራ መሆኑንም ለፋና ብሮድካስቲንግ ኮርፖሬት ተናግረዋል።
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.