Fana: At a Speed of Life!

በድሬዳዋ የሚገኙ የተለያዩ የህብረተሰብ ክፍሎች ለመከላከያ ሰራዊት ድጋፍ አደረጉ

አዲስ አበባ ፣ ነሐሴ 20 ፣ 2013 (ኤፍ.ቢ.ሲ) በድሬዳዋ አስተዳደር የሚገኙ ነዋሪዎችና የመንግስት ሰራተኞች እንዲሁም የገጠር ክላሰተሮች ለመከላከያ ሰራዊትድጋፍ አድርገዋል።
በአሁኑ ሰዓት በሀገር ሉዓላዊነት ላይ በአሸባሪው ህወሓት የተቃጣውን የሀገር ማፍረስ ዘመቻን ለመቀልበስ እየተዋደቀ ለሚገኘው ለጀግናው የሀገር መከላከያ ሰራዊት ድጋፍ ተደርጓል።
በድጋፍ ላይ የድሬዳዋ ከተማ ምክትል ከንቲባ አቶ ከዲር ጁሀርን ጨምሮ የተለያዩ የመንግስት የስራ ሀላፊዎች ፣ አባ እገዳዎች ፣ ኡጋሶች፣ የሀይማኖት አባቶች እንዲሁም ጥሪ የተደረገላቸው እንግዶች በተገኙበት የተለያዩ እንስሳቶች እንዲሁም የብር ድጋፍ ተደርጓል።
በአጠቃላይ ከገጠር ክላስተር ነዋሪና መንግስት ሰራተኛ በአይነት 24 በሬዎች ፣ 85 ፍየሎች ፣ 2 ግመሎች እና በጥሬ ገንዘብ 827 ሺህ 829 ብር በድምሩ 3 ሚሊየን 35 ሺህ 829 ብር ለሀገር መከላከያ ሰራዊቱ ድጋፍ ተደርጓል።
የድሬዳዋ ከተማ መስተዳድር ምክትል ክንቲባ የሆኑት አቶ ከዲር ጁሀር በርክክብ ስነ ስርዓቱ ላይ÷ አሸባሪው ህወሓት ኢትዮጵያን ማፍረስ በግልፅ ተናግሮ ጦርነት የከፈተ በመሆኑ በደጀንነት የምናደርገው እያንዳንዱ እንቅስቃሴም ሆነ በአውደ ግንባር ተሰልፈን የምንዋጋው ጦርነት ሀገር የማዳን ፍትሀዊ ጦርነት መሆኑን ልንገነዘብ ይገባል ብለዋል።
በነስሪ ዩሱፍ

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.