Fana: At a Speed of Life!

በምሽቱ የጸጥታው ምክር ቤት የተያዙ አቋሞች የኢትዮጵያን እውነታ የተገነዘቡ ነበሩ -አምበሳደር ዲና ሙፍቲ

አዲስ አበባ፣ ነሐሴ 21፣ 2013(ኤፍ ቢ ሲ) በትናንት ምሽቱ ጸጥታው ምክር ቤት የተያዙ አቋሞች ከሞላ ጎደል የኢትዮጵያን እውነታ የተገነዘቡ መሆናቸውን የውጭ ጉዳይ ሚኒስቴር ቃል አቀባይ አምበሳደር ዲና ሙፍቲ አስታወቁ፡፡

የውጭ ጉዳይ ሚኒስቴር ቃል አቀባይ አምበሳደር ዲና ሙፍቲ ለኢትዮጵያ ፕሬስ ድርጅት እንደገለጹት፥ በትናንትናው እለት በጸጥታው ምክር ቤት ስብሰባ ላይ የኢትዮጵያን አጀንዳ ተመልክቶ በአባል ሃገራቱ የተያዘው አቋም ከሞላ ጎደል ያለውን እውነታ የተገነዘበ ነበር፡፡
የተለያዩ አቋሞች ተንጸባርቀዋል ለማለት አያስችልም ያሉት አምባሳደሩ፥ የኢትዮጵያን አቋም ያራመዱት ሩሲያ፣ ቻይና፣ ህንድና ኬንያ በተለየ ሁኔታ ድጋፋቸውን አሳይተዋል፡፡
በጥቅሉ ከአንድ ሀገር በስተቀር የተቀሩት ሀገራት ከሞላ ጎደል የቀረቡበት ሁኔታ ጥሩ እንደሆነ ገልጸዋል፡፡
አሜሪካም በጸጥታው ምክር ቤት የነበራት አቋም አሸባሪው ህወሓትን ማውገዝ የጀመረችበት ሁኔታ መኖሩን የገለጹት አምባሳደሩ፥ የተነሱ ሀሳቦች በበጎው የሚታዩ ናቸው ብለዋል፡፡
ጠንከር ብለው የኢትጵያን አቋም ላራመዱና ለደገፉ ሀገራት እና የኢትዮጵያ የውስጥ ጉዳይ በመሆኑ በአፍሪካ ማዕቀፍ እንዲፈታ ድጋፍ ላደረጉ ሀገሮች ምስጋናችን እናቀርባለን ብለዋል፡፡
የኢትዮጵያ ጉዳይ ኢትዮጵያዊ መር ሆኖ አፍሪካውያን ድጋፍ እንዲያደርጉና ሌሎች ወዳጆች ደግሞ ከውጭ ሆነው ይደግፉ የሚለውን አቋም ሁሉም የተቀበሉት ይመስላልም ነው ያሉት።
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
May be an image of 1 person, sitting and text
0
People Reached
323
Engagements
Distribution Score
Boost Post
300
8 Comments
15 Shares
Like

Comment
Share
You might also like

Leave A Reply

Your email address will not be published.