Fana: At a Speed of Life!

የኮንታ ልዩ ወረዳ ነዋሪዎች አሸባሪዎቹን ህወሓት እና ሸኔን የሚያወግዝ ሰልፍ አካሄዱ

አዲስ አበባ ፣ ነሐሴ 21 ፣ 2013 (ኤፍ ቢ ሲ) የኮንታ ልዩ ወረዳ ነዋሪዎች የሽብር ቡድኖችን ህወሓት እና ሸኔን የሚያወግዝ ሰልፍ በአመያ ከተማ አካሂደዋል።
 
በሰላማዊ ሰልፉ መከላከያ ሰራዊትን የሚደግፉና አሸባሪዎችን ህወሓት እና ኦነግ ሸኔን የሚቃወሙ የተለያዩ መልዕክቶች ተላልፈዋል።
 
የልዩ ወረዳው ዋና አስተዳዳሪ አቶ ፋንታሁን ብላቴ÷ነዋሪዎች ለሃገር መከላከያ ሰራዊት በሶስተኛ ዙር ድጋፋቸው ከ5 ነጥብ 5 ሚሊየን ብር በላይ የሚገመት የገንዘብና የአይነት ድጋፍ ማድረጋቸውን ተናግረዋል።
 
በዚህም 2 ነጥብ 4 ሚሊየን ብር የሚገመት 70 ሰንጋ በሬ እና 3 ነጥብ 1 ሚሊየን ብር ጥሬ ገንዘብ ድጋፍ ማድረጋቸውን ነው የገለጹት።
 
ነዋሪዎች በመጀመሪያ ዙር 150 ሰንጋ በሬ እና 2 ሚሊየን ብር፣ በ2ኛ ዙር 700 ሺህ ብር የሚገመት የገንዘብና ዓይነት በአጠቃላይ እስካሁን 13 ነጥብ 2 ሚሊየን ብር በላይ የሚገመት ድጋፍ ማድረጋቸውን አስታውሰዋል፡፡
 
የልዩ ወረዳው ህዝብ ህወሓትን እየተፋለመ ለሚገኘው መካላከያ ሰራዊት ላደረገው ድጋፍ ምስጋና ያቀረቡት ዋና አስተዳዳሪው÷በቀጣይም ድጋፉ ተጠናክሮ ይቀጥላል ነው ያሉት ።
 
ነዋሪዎቹ ከሚያደርጉት የገንዘብና ዓይነትድጋፍ በተጨማሪም የደም ልገሳ መርሃ ግብር ማከናወናቸውን ከልዩ ወረዳው ኮሙዩኒኬሽን ያገኘነው መረጃ ያመላክታል።
 
በድጋፉ የሃገር ሽማግሌዎች እና የሃይማኖት አባቶች ምርቃትና ጸሎት፣ የጸጥታ አካላት ፖሊሳዊ ትርዒት እንዲሁም የኪነ ጥበብ ስራዎች ቀርበዋል።
 
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.