Fana: At a Speed of Life!

በክልሉ የሚገኙ የመንግስት ዩኒቨርሲቲዎች ፎረም ጋይንት ግንባር ለሚገኘው የጸጥታ ሃይል ድጋፍ አደረገ

አዲስ አበባ፣ ነሐሴ 22፣ 2013(ኤፍ ቢ ሲ) በአማራ ክልል የሚገኙ የመንግስት ዩኒቨርሲቲዎች ፎረም ጋይንት ግንባር ለሚገኘው መከላከያ ሰራዊት ፣ ልዩ ኃይል፣ ሚሊሻ እና ፋኖ ድጋፍ አድርጓል።

የፎረሙ አባላት ድጋፉን ዛሬ ግንባር ድረስ በመገኘት አስረክበዋል።

የደብረማርቆስ ዩኒቨርሲቲ ፕሬዚዳንት እና የፎረሙ ሰብሳቢ ዶክተር ታፈረ መላኩ÷ ሀገር ሲኖር ነውና ተቋም የሚኖረው ሀገርን ለማፍረስ የተነሳን ጠላት ለማጥፋት የድርሻችን እንወጣለን ብለዋል።

አሸባሪዉን የመታገል ስራ የህልውና ጉዳይ በመሆኑ ሁለንተናዊ ድጋፍ ከማድረግ ጀምሮ ግንባር እስከመዝመት ድረስ የበኩላችንን እንወጣለን ነው ያሉት።

የጎንደር ዩኒቨርሲቲ የአስተዳደር ምክትል ፕሬዚዳንት ፕሮፌሰር ጋሻው አንዳርጌ በበኩላቸው÷ ዛሬ ያደረግነው ድጋፍ ከሰራዊቱና ከፀጥታ ኃይሉ ጎን መሆናችንን የሚያሳይ ነው ብለዋል።

ዩኒቨርሲቲዎቹ በየግላቸው የምግብ፣ የህክምናና ሌሎች ድጋፎችን እያደረጉ መሆናቸውን ፕሮፌሰር ጋሻው እና ዶክተር ታፈረ ተናግረዋል።

ፎረሙ በዛሬው ዕለት 15 የእርድ ከብት ድጋፍ ሲያደርግ÷ ከድጋፉ በተጨማሪ አሸባሪው ያደረሰዉን ጉዳት ለማሳየት የሚያስችል ስራ እየሰሩ መሆናቸውን አሳዉቀዋል።

በዙፋን ካሳሁን እና በምንይችልአዘዘው

 

 

 

 

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.