የሀዋሳ ኢንዱስትሪ ፓርክ ከሀዋሳ ዩኒቨርሲቲ ጋር በጋራ ለመስራት ተስማማ

በስምምነቱ ዶክተር አያኖ በራሶ እንደገለጹት÷ ስምምነቱ ሁለቱም አካላት በተጠናከረ የአሠራር ስልት ተሳስረው ውጤታማ ተግባራትን ለማከናወን የሚያስችላቸው ነው ማለታቸውን ከኢንዱስትሪ ፓርኮች ልማት ኮርፖሬሽን ያገኘነው መረጃ ያመላክታል፡፡

የሀዋሳ ኢንዱስትሪ ፓርክ ስራ አስኪያጅ አቶ ፍጹም ከተማ በበኩላቸው÷ ከሥራ ዕድል ፈጠራ፣ ከውጪ ምንዛሪ ግኝት እና ከዕውቀት ሽግግር አንጻር ሀላፊነት እንደተቀበልን እናስባለን ፤ ይህን ታሳቢ በማድረግም ችግሮችን ተቀራርቦ ለመቅረፍ ሰፊ ግንኙነት መጀመራችን ትልቅ ነገር ነው ብለዋል፡፡

በሀዋሳ ዩኒቨርሲቲ የቴክኖሎጂ ኢንስቲትዩት ሳይንቲፊክ ዳይሬክተር የሆኑት ዶክተር ፋሲካ በቴ ÷ከኢንዱስትሪ ፓርኩ ጋር በቅርበት እየሠሩ እንደነበረና በዚህም በ2013 በጀት ዓመት ከ200 የሚበልጡ ተመራቂዎች በኢንዱስትሪ ፓርኩ ሊቀጠሩ መቻላቸውን ገልጸዋል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!