ጎህ የቤቶች ባንክ በይፋ ስራ ጀመረ

ከንቲባዋ በማህበራዊ የትስስር ገጻቸው ላይ ፥ዛሬ በአገራችን የባንኮች ታሪክ በሚሰጠው አገልግሎት የመጀመሪያ የሆነዉን ጎህ የቤቶች ባንክን” በይፋ ስራ አስጀምረናል ብለዋል።

በቤት ልማት ስራዉ በርካታ ስራዎች ቢሰሩም አሁንም በፍላጎት እና አቅርቦት መካከል ያለዉ ከፍተኛ አለመጣጣም ተጨማሪ ስራዎች እንዲሰሩ አስገድዷልም ነው ያሉት።

በመሆኑም ዛሬ በመኖሪያ ቤት ግንባታ ላይ ትኩረት አድርጎ የሚሰራውን ጎህ ባንክ ስራ ያስጀመርን ሲሆን፥ በቀጣይም መሰል የፋይናንስ ተቋማት ትኩረታቸውን የዜጎችን ህይወት በሚለዉጡ ተግባራት ላይ እንዲያደርጉ አስፈላጊውን ድጋፍና ክትትል የምናደርግ ይሆናል ሲሉ ገልጸዋል።

ወይዘሮ አዳነች አያይዘውም ባንኩ እንደ ከተማ በስፋት እየሄድንበት ላለው የአረጋውያን እና አቅመ ደካሞችን ቤት የማደስ የበጎ ፈቃደኝነት ተግባርን ለመደገፍ ላበረከተው የ1 ነጥብ 5 ሚሊየን ብር እያመሰገንኩ፥ በባንኩ ምስረታ ሂደት ዉስጥ ሀሳቡን ከማምጣት አንስቶ ዛሬ በይፋ ስራ እስኪጀምር የበኩላችሁን አስተዋጽኦ ያበረከታችሁ አካላት ልባዊ ምስጋናዬ ይድረሳችሁ ብለዋል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!