የግል መሳሪያ ያላቸው ነዋሪዎች በሁለት ቀን ውስጥ እንዲያስመዘግቡ የአዲስ አበባ ከተማ አስተዳደር አሳሰበ

ሃላፊው አዲስ አበባ ውስጥ የሚኖር ማንኛውም ነዋሪ በእጁ የሚገኙ መሳሪያዎችን “ከዚህ ቀደም ያስመዘገበም ሆነ ያላስመዘገበ ” ዛሬን ጨምሮ በሁለት ቀን ዉስጥ በአቅራቢያው በሚገኙ ፖሊስ ጣቢያዎች እንዲያስመዘግብ ጠይቀዋል።

የቢሮው ኃላፊ ዶክተር ቀነዓ ያደታ ወቅታዊ ፀጥታን በተመለከተ መግለጫ ሰጥተዋል።

የአዲስ አበባ ነዋሪዎች በመንደር እርስ በርስ ተደራጅቶ የአካባቢውን ሰላም ለማስጠበቅ እንዲሰራ ጥሪ አቅርበዋል።

አደረጃጀቱም ከፀጥታ ተቋማት ጋር እየተናበበ አካባቢውን መቆጣጠር እንዳለበትም ገልፀዋል።

የአዲስ አበባ ከተማ ፀጥታ ሰላም ቢሆንም ውዥንብር የሚፈጥሩ አካላት በቁጥጥር ስር እየዋሉ ነው ብለዋል።

የፖሊስና የመከላከያ ፀጥታ አካላት ከኦሮሚያ ፊንፊኔ ዙሪያ ልዩ ዞን ሰላምና ደህንነት ጋር በጋራ እየተሰራ መሆኑንም ጠቁመዋል።

የጦር መሳሪያን በተመለከተ በህግ የተመዘገበም ይሁን ያልተመዘገቡ አካላት በሁለት ቀናት ማስገንዘብ አለባቸው ብለዋል።

የጦር መሳሪያው በመንግስት ከታወቀና ህጋዊ ከሆነ በራሱ የአካባቢውን ፀጥታ እንዲያስጠብቁ ይደረጋል ብለዋል።

መሳሪያ ያላቸው አካላት አካባቢያቸውን መጠበቅ የማይችሉ ከሆነ ለቅርብ ሰው ወይም ለመንግሥት በአደራ ሰጥተው እንዲጠበቅበት ይደረጋል ብለዋል።

ነዋሪዎች አስፈላጊ በሆነ ጊዜ ሁሉ ሰርጎ ገቦችን ለመቆጣጠር የሚፈጸሙ መደበኛና ድንገተኛ ፍተሻዎችን እንዲደግፉ ጥሪ አቅርበዋል።

የመኖሪያ ቤት አከራዮች፣ ሆቴሎችና ሁሉም አገልግሎት ሰጪ ተቋማት ማንኛውንም አገልግሎት ሲሰጡ ተገልጋዮቻቸውን በቅርበት እንዲከታተሉና መታወቂያ እንዲጠይቁም ሃላፊው አሳስበዋል።

አካባቢዎን ይጠብቁ!

ወደ ግንባር ይዝመቱ!

መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!