Fana: At a Speed of Life!

የዘማቾችን ሰብል መሰብሰብ የዘመቻው አካል ነው – የመተማ ወረዳ መንግሥት ሰራተኞች

አዲስ አበባ፣ ህዳር 10፣ 2014 (ኤፍ ቢ ሲ) በምዕራብ ጎንደር ዞን የመተማ ወረዳ አስተዳደር የመንግሥት ሰራተኞች ሀገራቸውን ከጥፋት ለመታደግ ግንባር ተሰልፈው ጀብድ እየፈጸሙ ለሚገኙ ዘማች አርሶ አደሮች ሰብል ሰብስበዋል፡፡
የዘማች አርሶ አደሮችን ሰብል መሰብሰብ እና እንዳይባክን መረባረብ አንዱ የዘመቻው ክፍል ነው ያሉት የመንግሥት ሰራተኞቹ÷ የሚያከናውኑትን ተግባር አጠናክረው እንደሚቀጥሉም ተናግረዋል።
የዘማች አርሶ አደሮችን ሰብል ከመሰብሰብ ባሻገር÷ ግንባር ዘምተው የሽብር ቡድኑን ለመደምሰስ መወሰናቸውንም ገልጸዋል።
ሀገር በጠላት ስትደፈር ማየት እንቅልፍ ነስቷቸው ወደ ግንባር ያቀኑ ቤተሰቦችም÷ በአካባቢው ማህበረሰብ እና በመንግሥት ሰራተኞች ሰብላቸው በመሰብሰቡ መደሰታቸውን ለአሚኮ ተናግረዋል፡፡
የመተማ ወረዳ ግብርና ጽህፈት ቤት ኃላፊ አቶ ባህሩ አሕመድ÷ ሀገሪቱ በሽብር ቡድኑ የገጠማትን የሕልውና አደጋ ለመቀልበስ በወረዳው ከፍተኛ ቁጥር ያለው አርሶ አደር ግንባር መዝመቱን ገልጸዋል፡፡
በየደረጃው ያለውን የህብረተሰብ ክፍል እና የመንግሥት ሰራተኞችን በማስተባበር የዘማቾች ሰብል እየተሰበሰበ መሆኑን ነው ያስረዱት።
በምርት ዘመኑ በወረዳው 95 ሺህ ሄክታር መሬት በዘር ተሸፍኗል፡፡
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.