Fana: At a Speed of Life!

ሐረማያ ዩኒቨርሲቲ ለአገር መከላከያ ሠራዊት የ2 ነጥብ 7 ሚሊየን ብር ድጋፍ አደረገ

 

አዲስ አበባ ፣ ህዳር 14 ፣ 2014 (ኤፍ ቢ ሲ) ዩኒቨርሲቲው በአፋር ክልል በኩል የአገር ሉዓላዊነት በማስከበር ላይ ለሚገኙ የመከላከያ ሰራዊትና ለአፋር ልዩ ኃይል የ2 ነጥብ 7 ሚሊየን ብር የሚያወጣ ድጋፍ አድርጓል።

ድጋፉ 16 ሰንጋ በሬዎችን ፣ 100 ኩንታል ስኳርና 2 ሺህ ደርዘን ን እሽግ ውሃ ነው።

ድጋፋን አፋር ክልል ሚሌ ኤልውሃ በሚገኘው የጦር ካምፕ በመገኘት ለምስራቅ ዕዝ የጦር መሪዎች ያስረከቡት የሐረማያ ዩኒቨርሲቲ የጥበቃና ደህንነት ዳይሬክቶሬት ዳይሬክተር ኮማንደር አባድር ዩያ ሲሆኑ ሰራዊቱን በመወከል ብርጋዴር ጀኔራል ፍቃዱ ፀጋዬ ድጋፉን ተረክበዋል።

በርክክቡ ወቅት ብርጋዴር ጀኔራል ፍቃዱ ፀጋዬ ባስተላለፉት መልዕክት ዩኒቨርሲቲው የአገር ሉዓላዊነትን ለማስከበር በሚሌ ግንባር መስዋዕትነት በመክፈል ላይ ለሚገኙት የአገር መከላከያ ሰራዊት አባላት፣ ለአፋር ልዩ ኃይልና ህዝባዊ ሰራዊት ያደረገው ድጋፍ ለሰራዊቶቹ ያለውን ክብር የገለፀበት በመሆኑ ለሠራዊቱ የሞራል ስንቅ ይሆናል ብለዋል።

ሐረማያ ዩኒቨርሲቲ ከዚህ ቀደም ህወኃት በከፈተው ጦርነት ከቤት ንብረታቸው ተፈናቅለው በወሎና ሰመራ ዩኒቨርሲቲ ተጠልለው ለነበሩ ወገኖች ከ3 ነጥብ 2 ሚሊየን ብር በላይ የሚያወጡ ቁሳቁስና የምግብ ግብዓቶችን ድጋፍ ማድረጉ ይታወሳል።

ከዚህ ባለፈም የዩኒቨርሲቲው ሰራተኞችም የአንድ ወር ደመወዛቸውን ከ36 ነጥብ 3 ሚሊየን ብር በላይ ለአገር መከላከያ ሰራዊት ድጋፍ አድርገዋል።

በተሾመ ኃይሉ

አካባቢዎን ይጠብቁ!

ወደ ግንባር ይዝመቱ!

መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.