Fana: At a Speed of Life!

ጠ/ሚ ዐቢይ የህልውና ዘመቻውን በግንባር ለመምራት መወሰናቸው ለሠራዊቱ ትልቅ የሞራል ስንቅ ነው-የሐረማያ ዩኒቨርሲቲ ሰራተኞች

አዲስ አበባ፣ ህዳር 15፣ 2014 (ኤፍ ቢ ሲ) ጠቅላይ ሚኒስትር ዐቢይ አህመድ መከላከያ ሰራዊትን በመቀላቀል የህልውና ዘመቻውን በግንባር ለመምራት መወሰናቸው ለሠራዊቱ ትልቅ የሞራል ስንቅ መሆኑን የሐረማያ ዩኒቨርስቲ ሰራተኞች ተናገሩ።
 
ሰራተኞቹ ከፋና ብሮድካስቲንግ ኮርፖሬት ገር ባደረጉት ቆይታ÷ ጠቅላይ ሚኒስትር ዐቢይ በግንባር በመሰለፍ የቁርጥ ቀን የኢትዮጵያ ልጅ መሆናቸውን አሳይተዋል ብለዋል።
 
የጠቅላይ ሚኒስትሩ ግንባር ተገኝቶ የህልውና ዘመቻውን ለመምራት መወሰንም ለሠራዊቱ ትልቅ የሞራል ስንቅ ይሆናል ነው ያሉት።
 
የዩኒቨሲቲው የህዝብና ዓለምአቀፍ ግንኙነት ዳይሬክተር አቶ አለምሸት ተሾመ በበኩላቸው፥ የጠቅላይ ሚኒስትሩ ውሳኔ ለአፍሪካውያን መሪዎች ትምህርት የሰጠ መሆኑን አንስተዋል።
 
አያይዘውም መሪነት ሀገር በተረጋጋችበት ጊዜ ብቻ ሣይሆን በችግሯ ወቅት ሲፈተን ዘመን የማይሽረው ታሪክ እንደሚያስመዘግብ ጠቁመዋል።
 
ኢትዮጵያ በመሪዎቿ ፊታውራሪነት ለፓን አፍሪካኒዝም እንቅስቃሴ ጉልህ ሚና ትጫወት እንደነበር ያወሱት ዳይሬክተሩ፥ ጠቅላይ ሚኒስትር ዐቢይ በውሳኔያቸው ይህንኑ እንዳስቀጠሉ ነው ያብራሩት።
 
በዓለም ታሪክ ከሠራዊታቸው ጋር ታች ወርደው የተዋጉ መሪዎች ቁጥር አናሳ መሆኑን የጠቆሙት ሠራተኞቹ፥ ይህም የህዝቡን ወኔ የቀሰቀሰ መሆኑን ተናግረዋል።
 
ኢትዮጵያን ለማዳን በሚደረገው የህልውና ዘመቻ አከባቢያቸውንና ዩኒቨርሲቲያቸውን ነቅተው ከመጠበቅ ባለፈ በግንባር እየተፋለሙ ለሚገኙ የጸጥታ ሃይሎች የሚያደርጉትን ድጋፍ አጠናክረው እንደሚቀጥሉም አረጋግጠዋል።
 
በእዮናዳብ አንዷለም
 
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.