Fana: At a Speed of Life!

የሲዳማ ወጣቶች #በቃ በመቀላቀል የኢትዮጵያን እውነት ሊያሳዩ ይገባል – የፓርቲ አመራሮች

አዲስ አበባ፣ ህዳር 15፣ 2014 (ኤፍ ቢሲ) በሲዳማ የሚገኙ ወጣቶች #በቃ ን በመቀላቀል የኢትዮጵያን እውነት ሊያሳዩ እንደሚገባ በሲዳማ ክልል የሚገኙ የተለያዩ የፓርቲ አመራሮች ገለጹ፡፡

በሲዳማ ክልል ደረጃ እየተካሄደ በሚገኘው #በቃ ተቃውሞ በክልሉ የሚገኙ የተለያዩ የፖለቲካ ፖርቲዎች ተሳተፈዋል፡፡

የሲዳማ ክልል ብልፅግና ፅ/ቤት ሀላፊ አቶ አብርሃም ማርሻሎ ÷ በዚህ ወቅት ኢትዮጵያውያን እያሉ ሀገር አትፈርስም ÷ ምዕራባውያን በተለያዩ መንገዶች አገራችን ሊያፈርሱ ጥረት ቢያደርጉም አይሳካላቸውም ብለዋል፡፡

አብረን በአንድ ላይ ሆነን ኢትዮጵያን ከጠላቶቿ እናድናታለን ፤ ኢትዮጵያ አትፈርስም ፤ ለዘላለም በልጆቿ ትጠበቃለች ሲሉም ገልፀዋል፡፡

በሲዳማ የሚገኙ ወጣቶችም #በቃ ን በመቀላቀል የኢትዮጵያን እውነት ማሳየትና እኔ እያለው ኢትዮጵያ አትፈርስም ማለት እንደሚገባ ገልጸዋል፡፡

አቶ ታምራት አሰፋ የህብር ኢትዮጵያ ዲሞክራሲያዊ ፖርቲ የደቡብ ክልልና የሲዳማ ክልል ማስተባበሪያ ፅ/ቤት ሀላፊ ሲሆኑ ÷ ለአፍሪካ ድምፅ የሆነችውን ይችን ታሪካዊ ሀገር ለማሸማቀቅ ጥረት ቢያደርጉም የሚሳካላቸው አይሆንም ድል የኢትዮጵያ ነው ፤ አደዋ ይደገማል ብለዋል፡፡

እርስ በእርስ የማጋጨት ሴራ ይከትማል ፤ አንድነታችንና ኢትዮጵያዊነት ይለመልማል ፤ ሀገር በማዳን ሂደትም እኛም ድጋፍ ለመስጠት ዝግጁ ነን ሲሉ ተናግረዋል፡፡

በሐዋሳ ከተማ የመላው አንድነት ድርጅት የፖለቲካ ፖርቲዎች የጋራ ምክር ቤት የሚዲያ ኮሚቴና የፓርቲው ሰብሳቢ አቶ ደመላሽ አበራ ÷ ጀግናው የመከላከያ ሰራዊቱን ከተቀላቀሉት ጠቅላይ ሚኒስትር ዐቢይ አህመድ ጎን መሆናቸዉን ጠቅሰዋል፡፡

ህዝቧን ሊሸረሽሩ የሚሞክሩ ሀይሎች ፈፅሞ እንደማይሳካላቸውም አክለው ገልጸዋል፡፡

እኔም በሙያየና በጉልበቴ ሀገሬን አገለግላለው ÷ ቀድሞም በልጆቿ ተከብራ የቆየች ሀገር ነው ያለችን ፤ ዛሬም ሁላችንም ሀገራችንን ለመጠበቅ ቆርጠን መነሳታችንን ሊያውቁ ይገባልም ነው ያሉት፡፡

በደም ልገሳው ላይ የተሳተፋት የፖለቲካ ፓርቲ አመራሮችም ደም በመለገስ ለሀገር ደጀን መሆን እንደሚገባቸውም አመልክተዋል፡፡

በብርሃኑ በጋሻው

አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.