Fana: At a Speed of Life!

የሃዋሳ ከተማ 70 ነጥብ 8 ሚሊየን ብር የሚገመት ድጋፍ አሰባሰበ

 

አዲስ አበባ፣ህዳር 19፣2014 (ኤፍ ቢ ሲ) የሃዋሳ ከተማ ለሀገር መከላከያ ሰራዊት 70 ነጥብ 8 ሚሊየን ብር የሚገመት ድጋፍ አሰባሰበ፡፡

ድጋፉ ሰንጋዎችን፣አልባሳት፣ የምግብ አይነትን ጨምሮ ሲሆን÷ ሀገርን ለመታደግ በግንባር እየተዋደቀ ላለው የሀገር መከላከያ ሰራዊትና ሌሎች የፀጥታ ሀይሎች የሚውል ነው ተብሏል፡፡

የሀዋሳ ከተማ አስተዳደር ከንቲባ ረዳት ፕሮፌሰር ፀጋዬ ቱኬ ÷ሀገርን ከጠላት ለመመከትና የኢትዮጵያን አንድነት ለማስጠበቅ የደምና የህይወት ዋጋ እየከፈሉ ላሉት የሀገር መከላከያ ሰራዊትና ሌሎች የፀጥታ አካላት ይህ ስጦታ ምንም ነው ብለዋል፡፡

ድጋፉ በአንድ ሳምንት ብቻ የተሰበሰበ መሆኑን እና ነዋሪዎች ከተጠየቁት እጥፍ እየሰጡ እንዳሉ የገለጹት የከተማው አስተዳደር የንግድ ማህበራት ምክር ቤት ፕሬዚዳንት ሚልኪያስ አንዴቦ የተጀመረው ድጋፍ በብዙ እጥፍ ተጠናክሮ እንደሚቀጥል ተናግረዋል፡፡

የሀዋሳ ከተማ አስተዳደር በአጠቃላይ በአጭር ጊዜ ውስጥ ከ70 ነጥብ 8 ሚልየን ብር በላይ በአይነትና በገንዘብ ተሰብስቦ ገቢ ማድረግ ተችሏል ነው የተባለው፡፡

የህልውና ዘመቻው እንኪጠናቀቅ ድረስም ለሀገር መከላከያ ሰራዊት ወደ ግንባር ዘማቾችን ከመላክ ጀምሮ ሀሉንም አይነት ድጋፎች ከተማ አስተዳደሩ አጠናክሮ እንደሚቀጥል ከንቲባው ቃል ገብተዋል።

በጥላሁን ይልማ

አካባቢዎን ይጠብቁ!

ወደ ግንባር ይዝመቱ!

መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.