Guddoomiyaha Midowga Afrika oo soo dhaweeyay baaqii xabad joojinta bini-aadanimo ee deegaanka Tigray
Addis Ababa,June 30, 2021 (Senee 23,2013 T.I (FBC/SOMALI)-Guddoomiyaha Midowga Afrika (AUC), Muusa Faki Mahamad ,ayaa soo dhaweeyay baaqii xabad joojinta bini-aadanimo ee ay ku dhawaaqday dowladda Federaalka ee dalkan Itoobiya.
Guddoomiyaha ayaa ugu baaqay dhinacyada oo dhan inay ilaaliyaan waajibaadkooda sida uu qabo sharciga caalamiga ah si loo ilaaliyo dadka rayidka ah isla markaana loo damaanad qaado marin nabadgalyo ah u ah hawl wadeenada bani’aadamnimada, si gargaarka bani-aadanimo loo gaadhsiiyo dadka tabaalaysan ee deegaanka Tigray.
Gudoomiyaha ayaa xaqiijiyey in midowga Afrika ,uu diyaar u yahay taageeridda dhammaan dadaalada ay dowlada Itoobiya ku sugayso nabadda iyo xasiloonida dalka.
Xoghayaha guud ee qaramada midoobay Antonio Guterres, dowladaha Ingiriiska , Shiinaha, Fransiiska, Maraykanka iyo isutaga Imaaraatka Carabka ayaa dhammaantood soo dhaweeyay xabad joojintii bini-aadanimo ee deegaanka Tigray.