kooxda argagixisada ah ee TPLF oo burburisay ku dhawaad 7,000 oo dugsi oo ku yaalla waqooyiga dalka
Addis Ababa,Aug 30,2021 (Nehase 24,2013 T.I (FBC/SOMALI)-Wasaaradda waxbarashada ayaa maalinnimada isniinta ah sheegtay in xoogaga kooxda argagaxisada ah ee TPLF ay burburiyeen ku dhawaad 7,000 oo dugsi oo ku yaalla waqooyiga dalka iyada oo ay sii socdaan weerarrada argagax leh ee lagu beegsanayo dadka rayidka ah ee ku dhaqan deegaannada Axmaarada iyo Canfarta.
Dagaalka uu ururka argagaxisada ahi ku beegsanayo dadka rayidka ah ayaa waxaa ay dhibaato ballaadhani kasoo gaadhay in ka badan 1.4 Milyan oo carruur ah iyo in ka badan 48,000 oo macallimiin waxbarasho ah.
Shirkaddan dambiilayaasha ah ayaa si ula kac ah u burburisay 445 iskuul oo ay dhiganayeen in ka badan 88,000 oo arday oo yaalla Dawlad Deegaanka Canfarta, Wasiirka Waxbarashada Dr. Getahun Mekuria ayaa sidaasi ka sheegay shirkii sanadlaha ahaa ee waxbarashada dalka oo ka furmay magaaladan Addis Ababa.
Wuxuu intaas ku daray in bishii lasoo dhaafay oo keliya ay kooxda sharciga baal martay ay sidoo kale baabi’isay guud ahaan 140 iskuul iyo kulliyado isugu jira oo ku yaallay deegaanka Amxaarada.