Xuska Maalinta Afrika oo laga xusay magaaladda Addis Ababa
Addis Ababa,May 25, 2021 (Ginbot 18,2013 T.I (FBC/SOMALI)-Xuska Maalinta Afrika ayaa laga xusay magaaladan Addis Ababa,waxaana munaasibadaasi ay ka qabsoontay Hoteel Mado ,taas lagaga hadlay marxaladaha uu soo maray aasaaskii Ururkii Midnimada Afrika oo la asaasay 25-kii May 1963-kii, balse hadda loo yaqaano Ururka Midowga Afrika(AU).
Maalintan ayaa sidoo kale looga dabaal dagayaa dalal kala duwan oo Afrikaan ah iyo meelo kala badan oo adduunka ah iyadoo lagu maamuusayo xaflado kala duwan
Xuskan ayaa waxa diiradda lagu saaray dib u soo nooleynta Afrikaannimada , hidaha iyo dhaqanka ,sidoo kale qiyamka ay wadaagto ummadaha Afrika iyo ajandaha sannadk 2063-ka ee Midowga iyoku saabsan qaaraddaba.
Dabaaldega waxaa goob joog ka ahaa mas’uuliyiin ka tirsan dowladda Itoobiya, xubno diblomaasiyiin oo ay mid yihiin wakiillo ka socda safaaradaha dhowr waddan oo ku yaalla nagaaldan Addis Ababa, iyo kuwo kale.
“Afrika muddo dheer ayay iska indhatirtay doorka dhaqanka ee horumarinta iyo sameynta Qurumaha. Waxaan damacsan yahay, inta lagu guda jiro arrintan, in aan saxo dabeecaddan aniga oo daneynaya, in ka badan intii aan horay ugu qabtay dhaqanka iyo fikirka Afrika.
Waxaan tilmaamayaa in aan ka codsan doono aqoonyahanada iyo xeel-dheerayaasha cilmiga bulshada ee dhamaan goobaha dhaqanka in ay gacan ka geystaan dhisida is afgarad afrikaan ah oo xoog leh oo la gaadhi karo ”ayuu yidhi Gudoomiyaha Guddiga Midowga Afrika, Muusa Fiqi Mahamat.