ቀ/ሚ ዶክተር ኣቢይ ምስ ምክትል ፕሬዚዳንት፣ ምክትል ቀዳማይ ሚኒስትርን ገዛኢ ዱባይን ሼኽ መሓመድ ቢን ረሺድ ኣልመክቱም ተዛትዮም

ክልቲኦም መራሕቲ ዝገበሩዎ ዘተ፥ ኣብ ዱባይን ኣብ መላእ ሕቡራት ኢሚረታት ዓርብን ዝርከቡ ኢትዮጵያውያን ዘልዐሉዎም ዝተፈላለዩ ሕቶታት ኣብ ዝፍትሑሎም መገዲታት ዘተኮረ ከምዝኾነ ተገሊፁ።

ቀዳማይ ሚኒስትር ዶክተር ኣቢይ፥ ትማሊ ዕለት 300 ምስ ዝኾኑ ተወከልቲን ኣመራርሓታትን ማሕበረሰብ ኢትዮጵያ ኣብ ዝገበሩዎ ዘተ ዝቐረቡሎም ሕቶታት ንሼኽ መሓመድ ቢን ኣልዒሎምሎም።

ሼኽ መሓመድ ቢን ብግደኦም ብፍላይ ምስ ምህናፅ ኣቢያተ እምነትን ኣቢያተ ትምህርቲን፣ ፈቓድ ስራሕ ምርካብን ካልኦትን ተተሓሒዞም ዝተልዓሉ ሕቶታትን ምስ ካልኦት ሓለፍቲ ስራሕ መንግስቲ እታ ሃገር ከምዝዝትዩሉ ቃል ዝኣተዉ እንትኾኑ፥ ኣብ ኣቡዳቢ ድማ መስርሒ ቤተ ክርስትያን ኦርቶዶክስ ኢትዮጵያ ዝኸውን ቦታ ፈቒዶም።

ፍልፍል፦ ቤት ፅሕፈት ቀዳማይ ሚኒሰትር