ኣብ ኢትዮጵያ 28 ሰባት ብቫይረስኮሮና ህይወቶም እንትስእኑ 707 ሰባት ድማ በቲ ቫይረስ ተለኺፎም

ብመሰረት እዚ ኣብ ኢትዮጵያ በቲ ቫይረስ ዝተትሓዙ ሰባት ቁፅሮም ናብ 18 ሺሕን 706 ኢሉ ኣሎ።

ካብዚኦም እቶም 10 ሺሕን 304 ሰባት ክትትል ሕክምና ይግበረሎም ኣሎ ክብላ ዶክተር ሊያ ገሊፀን።

ኣብዚ ሐዚ እዋን 153 ሰባት ኣብ ክፍሊ ክንክን ዘድሊዮም ብፅኑዕ ዝሓመሙ ከምዘለዉ እውን ኣብሪሀን።

ትማሊ 406 ሰባት ካብቲ ሕማም ዝደሓኑ እንትኾኑ፥ ብድምር ኣብ ኢትዮጵያ ካብቲ ቫይረስ ዝደሓኑ ሰባት ቁፅሮም 7 ሺሕን 601 በፂሑ ኣሎ።

ኣብ ናይ ትማሊ ፀብፃብ 24 ሰዓታት 28 ሰባት ብሰንኪ እቲ ቫይረስ ህይወቶም ከምዝሰኣኑን ብሓፈሻ በቲ ቫይረስ ህይወቶም ዝሰኣኑ ሰባት 310 ከምዝበፅሐን ተሓቢሩ።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana