ኣትሌት ለተሰንበት ጊደይ ኣቀባብላ ተገይሩላ

ጓል 22 ዓመት ኣትሌት ለተሰንበት ጊደይ፥ ብቕድሚ ትማሊ ለይቲ ኣብ ዝተኻየደ ውድድር ጉያ 5 ሺሕ ሜትሮ 14 ደቒቕ 6 ሰከንድን 62 ማይክሮ ሰከንድን ብምእታው ከምዝተዓወተት ይዝከር።

ነዚ ስዒቡ ድማ ብኢትዮጵያዊት ኣትሌት ጥሩነሽ ዲባባ ተታሒዙ ዝነበረ ክብረወሰን ውድድር ደቂ ኣንስትዮ 5 ሺሕ ሜትሮ ክተመሓይሽ ክኢላ ኢያ።

ኣትሌት ጥሩነሽ ቅድሚ 12 ዓመት፥ 14 ደቒቕ 11 ሰከንድን 15 ማይክሮ ሰከንድን ብዝኾነ ሰዓት ክብረ ወሰን እቲ ርሕቐት ብምስባር ሒዛቶ ፀኒሓ ነይራ።

ኣትሌት ለተሰንበት ክብረወሰን እቲ ርሕቐት ምስባራ ስዒቡ ኣብ ዝሃበቶ ርኢቶ፥ ናይ ነዊሕ እዋን ሕልማ ከምዝነበረን ምዕዋታ ከምዘሐጎሳን ገሊፃ።

ፎዴሬሽን ኣትሌቲክስ ኢትዮጵያ ብግድኡ፥ ለተሰንበት ዘመዝገበቶ ዓወት ንኣመራርሓን ሰራሕተኛታትን ተወሳኺ ምልዕዓል ከምዝፈጠረ ገሊፁ።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana