ሰለስቲአን ሃገራት ኣብ ውሽጢ 7 መዓልቲታት ድርድር ብምግባር ኣብ ቀፀልቲ ኣካይዳታትን ግዘ ሰሌዳን ንምስምዕማዕ ተረዳዲአን

ኣብቲ ዘሳለጡዎ ኣኼባ ድማ ሰለስቲአን ሃገራት፤ ኣብ ውሽጢ ሸውዓተ መዓልቲታት ድርድር ብምግባር ኣብ ቀፀልቲ ኣካይዳታትን ግዘ ሰሌዳን ኣብ ስምምዕ ምብፃሕ፣ ኣፈላላይ ኣብ ዘለዉዎም ጉዳያት ድማ ኣፈላላይ ብምፅብን ውፅኢቱ ድማ ኣብ ዝቕፅል ኣኼባ ንሚኒስትራት ማይን ጉዳያት ወፃኢን ንምቕራብ ተስማዕሚዐን።

ሚኒስትር ጉዳያት ወፃኢን ሚኒስትር ማይ፣ መስኖን ኢነርጂን ፌዴሪኢ ብሓባር ኣብ ዝሃቡዎ መግለፂ፥ እቲ ኣኼባ ኣብ ትሕቲ ማዕቐፍ ሕብረት ኣፍሪካ እናተሳለጠ ዝርከብ ግድብ ህዳሰ ዝምልከት ሰለስተኣዊ ድርድ ክቕፅል ኣብ ዝከኣለሉ ኩነታት ኣድሂቡ ከምዝዘተየ ኣፍሊጦም።

ፕዚዳንት ደቡብ ኣፍሪካ ሲሪል ራማፎዛ ቅድም ክብል ኣብ መጀመርታ ወርሒ ትቅምቲ ምስ መራሕቲ ሰለስቲአን ሃገራት ብስልኪ ብዝገበሩዎ ዘተ ብመሰረት ዝተገበረ ስምምዕን ዘቐመጡዎ ኣንፈትን እቲ ድርድር ንኽፅል ኣብ ስምምዕነት ምብፅሑ ተገሊፁ።

ቀዳማይ ቴክኒካዊ ኣኼባ ድማ ብኣካቢነት ሚኒስትር ጉዳያት ማይ ሱዳን ክካየድ ኢዩ ዝብል ትፅቢት ከምዘሎ ካብ ሚኒስቴር ጉዳያት ወፃኢ ፌዴሪኢ ዝረኸብናዮ ሓበሬታ የረድእ።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana