ቦርድ መረፃ ምስ ዝተፈላለዩ ማሕበራት ጉድኣት ኣካል ይዛተ ኣሎ

ኣብቲ መድረኽ ዘተ፥ ኣመራርሓታትን ሰራሕተኛታትን እቲ ቦርድ፣ ካብ ጨንፈር ቤት ፅሕፈት ክልል ዝተውፃእፅኡ ሰራሕተኛታት፣ ካብ ፌዴሬሽን ብሄራዊ ማሕበራት ጉዱኣት ኣካልን ተወከልቲ ዝተፈላለዩ ማሕበራት ጉዱኣት ኣካልን ተሳተፍቲ ኮይኖም።

ኣብ ቅድመ ምድላው እዋን መረፃ ዝተፈላለዩ መፅናዕቲታትን ስልጠናታትን እንትካየዱ ጉዱኣት ኣካል ተሳተፍቲ ምግባር ዘለዎ ረብሓ ብዝምልከት እውን ልዝብ ይገብር ኣሎ።

ብተወሳኺ ኣብ ኣድላዪነት ንኹሉ ዝሓቁፍ ማዕቐፍ ፖሊሲን ሕጊን መረፃ፣ ምዕሩይ ከባቢ መረፃ፣ ኣብ መረፃ ብተዓዛቢነት ምስታፍ ከምኡ እውን ዝተፈላለያ ሃገራት ኣብ ከይዲ መረፃ ዘለወን ልምዲ ምድህሳስ ዝብሉ ዛዕባታት ከምዝርከቦ ካብቲ ቦርድ ዝረኸብናዮ ሓበሬታ የረድእ።