ቫይረስ ኮሮና ዝተረኸበለን ቁፅሪ ሃገራት ኣፍሪካ 6 በፂሑ

ኣብ ሞሮኮ ካብ ጣሊያን ዝመፅአ ሓደ ዜጋ በቲ ቫይረስ ከምዝተለኸፈ መንግስቲ እታ ሃገር ምግላፁ ይዝከር።

እቲ ዜጋ ኣብ ከተማ ካዛብላንካ ሕክምንኡ ይከታተል ከምዘሎ ድማ ተገሊፁ።

ኣብ ቱኒዚያ እውን፥ ወዲ 40 ዓመት ዜጋ እታ ሃገር ካብ ጣሊያን እቲ ቫይረስ ሒዙ ናብ ሃገሩ ከምዝኣተወ ሚኒስቴር ጥዕና ቱኒዚያ ኣፍሊጡ ኣሎ።

ብተወሳኺ ኣብ ሴኒጋል ዝነብር ሓደ ተወላዲ ፈረንሳይ፥ ኣብ ሃገሩ በፂሑ ናብ ሴኔጋል ምስተመልሰ በቲ ቫይረስ ከምዝተለኸፈ ምርግጋፁ ተገሊፁ።

ብርቱዕ ሕማም ሳንቡእ ዘስዕብ ፈለማ ኣብ ቻይና ዝተርኣየ ቫይረስ ኮሮና፥ ናብ 40 ሃገራት ተዘርጊሑ ምህላው ውድብ ጥዕና ዓለም ምግላፁ ይዝከር።

ዛጊድ ብብርኪ ዓለም ልዕሊ 80 ሺሕ ሰባት በቲ ቫይረስ ክልከፉ እንከለው፥ ልዕሊ 2 ሺሕን 800 ሞይቶም እዮም።