ኣብ ቻይና ብዝተርኣየ ሓድሽ ለበዳ ሕማም ቫይረስ ኮሮና 41 ሰባት ህይወቶም ከምዝሓለፈ ተገሊፁ

እቲ ቫይረስ ኣብዚ ሕዚ እዋን ኣብ 10 ሃገራት ዓለም ዝተርኣየ እንትኸውን፥ ካብ ውሽጢ እዚኣተን ድማ መብዛሕተአን ሃገራት ኤስያ ምዃነን ተገሊፁ።

ብመሰረት እዚ፥ ኣብ ቻይና፣ ጃፓን፣ ታይላንድ፣ ደቡብ ኮሪያ፣ ኣውስትራሊያ፣ ማሌዥያ፣ ኣሜሪካ፣ ፈረንሳይን ካልኦት ሃገራትን ከምዝተርኣየ ኢዩ ዝተሓበረ።

ነዙይ ስዒቡ ድማ፥ ብዙሓት ሃገራት ዓለም እቲ ሕማም ናብ ሃገረን ከይኣቱ ልዑል ቅድመ ምድላው እናገበራ ይርከባ።

ኣብ ቻይና ክሳብ ሕዚ በቲ ቫይረስ 41 ሰባት ህይወቶም ዝሓለፈ እንትኸውን፥ 1 ሺሕን 300 ዝኾኑ ሰባት ድማ በቲ ሓዱሽ ለበዳ ሕማም ከምዝተትሓዙ ተገሊፁ።

ፍልፍል፦ ሬውተርስ