ካልኣይ ምዕራፍ ህንፀት ብሄራዊ ስታዲየም ንምጅማር ዘኽእል ስነ-ስርዓት ፌርማ ተሳሊጡ

ካልኣይ ምዕራፍ ህንፀት ናይቲ ስታዲየም ንምጅማር ዘኽእል ስነ-ስርዓት ፌርማ ድማ ኮሚሽን ስፖርት ኢትዮጵያ ምስቲ ትካል ተቛራፂ ስራሕ ሎሚ መዓልቲ ተፈራሪሙ ኣሎ።

ህንፀት ቀዳማይ ምዕራፍ እቲ ስታዲየም ብዜካ ስራሕቲ ምሽፋን ሳዕሪን ትራክ ጉያን ብመሰረት ዝተኣተወ ውዕሊ ሙሉእ ብሙሉእ ተዛዚሙ ኢዩ።

ኣብ ህንፀት ካልኣይ ምዕራፍ ድማ መፃወቲ ሜዳ ሳዕሪ ምክዳን፣ መዕረፊ ሄሊኮፕተር፣ ዘበናዊ ናይ ድሕንነት ካሜራ ምግጣም፣ ሳውንድ ሲስተም፣ መውሃቢ ግልጋሎት ፓርኪንግ፣ ሜዳታት መለማመዲን ካልኦት ስራሕቲን ከምዘሓውስ ተገሊፁ።

ንህንፀት እቲ ካልኣይ ምዕራፍ ብር 5 ነጥቢ 57 ቢሊየን ዝተሰለዐ እንትኸውን፥ ህንፀት ናይቲ ስታዲየም ሙሉእ ብሙሉእ ንምዝዛም ድማ ልዕሊ ብር 8 ቢሊየን ወፃኢ ከምዝግበር ካብ ኮሚሽን ስፖርት ኢትዮጵያ ዝረኸብናዮ ሓበሬታ የረድእ።