ዋና ፀሓፊ ሕቡራት ሃገራት ሱዳን ካብ መዝገብ ሃገራት ፈጠርቲ ራዕዲ ክትሕከኽ ሓቲቶም

ነዚ ድማ ሱዳን ካብቲ መዝገብ ዝርዝር ግብረ-ሽበራ ስማ እንድሕር ተሓኺኹ፥ ቤት ፅሕፈት ሕቡራት ሃገራት እቲ ዘድሊ ዓለም ለኻዊ ድጋፍ ኣብ ምትሕብባር ክነጥፈ የኽእሎ እዩ ብምባል ገሊፆም።

ሱዳን ናብ ሰለማዊ መድረኽ ዓለም ክተመፅእ ዝግበር ዘሎ ኣብ ዝሓለፈ ዓመት ፕሬዚዳንት ኦማር ኣልበሺር ብህዝባዊ ናዕቢ ካብ ስልጣኖም ምእላዮም ስዒቡ እዩ ተባሂሉ።

ትማሊ ኣብ ኣዲስ ኣበባ ምስላጥ ዝጀመረ መበል 33 ስሩዕ ጉባኤ መራሕቲ ሃገራት ሕብረት ኣፍሪካ ሎሚ መዓልቲ እውን ይቕፅል ኣሎ ኢዩ።

እቲ ስሩዕ ጉባኤ፥ “ጎንፂን ኲናትን ብምዕጋት ንልምዓት ኣፍሪካ ምዕሩይ ሃዋህው ምፍጣር!” ብዝብል መሪሕ ቓል ኢዩ እናተኻየደ ዝርከብ።

ልዕሊ 30 ፕሬዚዳንታት ሃገራት ኣፍሪካ፣ ቀዳማይ ሚኒስትራት፣ ሚኒስትራት ጉዳያት ወፃኢ ኣርባዕተ ሃገራትን ምክትል ፕሬዚዳንታትን ኣብቲ ጉባኤ ይሳተፉ ምህላዎም ይፍለጥ።

(ተወሳኺ ሓበሬታ ካብ ቢቢሲ ዝተረኸበ ኢዩ)