ፕሬዚዳንት ጂቡቲ ኢስማኢል ኦማር ጊሌ ምስ ርእሰ ምምሕዳር ክልል ሃረሪ ኣይተ ኦርዲን በድሪ ተዛትዮም

ኣብ ሞንጎ ከተማ ጂቡቲ ዝኾነት ኣርታን ከተማ ሃረርን ኣብ ዝሓለፈ ሰሙን ዝተበፅሐ ህውነታዊ ስምምዕነት ከምዘድንቑ ፕሬዚዳንት ኢስማኢል ኦማር ጊሌ ኣብቲ እዋን ዘተ ገሊፆም።

እቶም ፕሬዚዳንት፥ ኣብ ሓድጊ ዓለም ዝተመዝገበት ከተማ ሃረር ኣብ ዓውዲታት ትምህርቲን ምርምርን ንዝግበሩ ስራሕቲ ልዑል ኣስተዋፅኦ ከምተበርክት ገሊፆም።

ከተማታት ሃረርን ኣርታን ዝገበረኦ ሕውነታዊ ስምምዕነት መሰረት ብምግባር ኣብ ሞንጎአን ዘሎ ሰፊሕ ልምዲን ዕድልን ብምጥቃም ንዕቤት ኢዮጵያን ጂቡቲን ልዑል ግደ ከምዝፃወታ እውን ኣብሪሆም።

ርእሰ ምምሕዳር ክልል ሃረሪ ኣይተ ኦርዲን በድሪ ብግደኦም፥ ኣብ እዋን እቲ ዑደት ንዝተገበረሎም ሰናይ ኣቀባብላን እንግዶትን ምስጋና ኣቕሪቦም።

ጂቡቲያውያን ካልአይቲ ከተመኦም ኣብ ዝኾነት ከተማ ሃረር ዑደት ንኽገብሩ እውን ፀዊዖም።