Finfinnee, Waxabajjii 18, 2015 (FBC)-Dorgommiin Maaraatoonii Yaadannoo Kumaalaa Abbabaa Biqilaa 39ffaan gaggeeffameera.
Dorgommichi Finfinneetti gaggeeffamaa kan jiru yoo ta’u, dorgommicharratti Atileetonni 354 koorniyaa lameenii hirmaataniiru.
Dorgommi Maraatoonnichaan Dhirotaan Atileet Birhaanuu Abbaabaa Poolisii Federaalaa irraa 1ffaa ba’eera.
Akkasumaas Atileet Limanii Geetaachoo, Machaal irraa 2ffaa, Atileet Galgaloo Xannaa, Mana amalaa Sirreessaa Federaalaa irraa 3ffaan xumureera.
Dorgommii dubartotaan taasifameen ammoo Atileet Xajjituu Siyyum, Machaal irraa 1ffaan xumurteetti.
Atileet Asnaaqech Girmaa Poolisii Oromiyaa irraa 2ffaa, Atileet Bizu’aager Adaraa, Baankii Daldalaa irraa 3ffaan xumuruu TOI gabaaseera.
Dorgommiin kun gooticha olompikii Afrikaa fi Ityoophiyaa Kumaalaa Atileet Abbabaa Biqilaa yaadachuuf bara 1974 eegalee dorgommii gaggeeffamuu ta’uun erameera.
#Oromiyaa #Ityoophiyaa
Odeeffannoowwan waqtaawaa dabalataan argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.