አዲስ አበባ፣ ሐምሌ 15፣ 2014 (ኤፍ ቢሲ) በሐረሪ ክልል በኢንቨስትመንት ዘርፍ ተሰማርተው ጥሩ አፈፃፀም ያሳዩ ባለሀብቶችን ለማበረታታት አስፈላጊውን ድጋፍ እንደሚያደርግ የሐረሪ ክልል ርዕሰ መስተዳድር አቶ ኦድሪን በድሪ ገለጹ፡፡
የሐረሪ ክልል ርዕሰ መስተደድር ኦርዲን በድሪ በሆቴልና ቱሪዝም እና የማህበራዊ አገልግሎት ለመስጠት በግንባታ ላይ የሚገኙና በግንባታ ላይ የሚገኙ ኢንቨስትመንቶችን ጎብኝተዋል፡፡
የግንባታዎቹ አፈፃፀም 60 በመቶ መድረሱን የገለፁት ባለሀብቶች ከዚህ የበለጠ ግንባታቸውን አጠናቀው ወደስራ ለመግባት ግን የሲሚንቶ እጥረት እና የግንባታ ግብአቶች ዋጋ መጨመር እንቅፋት እንደሆነባቸው ተናግረዋል፡፡
በግንባታ ላይ ያሉት የኢንቨስትመንት ፕሮጀክቶች ተጠናቀው ወደ ስራ በሚገቡበት ወቅት ለዜጎች የስራ እድልን ከመፍጠርና የክልሉን ቱሪዝም ከማሳደግ አኳያ ፋይዳቸው የጎላ መሆኑን ርዕሰ መስተዳድሩ ጠቁመዋል፡፡
በመሆኑም የክልሉ መንግስት የኢንቨስትመንት ዘርፉን ለማሳደግ አስፈላጊውን ክትትልና ድጋፍ በማድረግ ባለሃብቶቹ በፍጥነት ወደ ስራ እንዲገቡ እንደሚያግዝ አስታውቀዋል፡፡
ከዚህ በተቃራኒው የኢንቨስትመንት ፍቃድ ወስደውና መሬት ተረክበው ወደ ስራው ያልገቡ ባለሃብቶች በፍጥነት ወደ ስራ እንዲገቡ ማስጠንቀቂያ ከመስጠት ባሻገር ጠንከር ያለ እርምጃ እንደሚወሰድ ተናግረዋል።
በቲያ ኑሬ
ዘወትር ከእኛ ጋር ስላሉ እናመሰግናለን!