አዲስ አበባ፣ ሐምሌ 16፣ 2014 (ኤፍ ቢ ሲ) የኢትዮጵያ አየር መንገድ የቦይንግ 787 ድሪምላይነር አውሮፕላኖችን ማረፊያ እግሮች መለዋወጥ የሚያስችል ስምምነት ከቦይንግ አውሮፕላን አምራች ኩባንያ ጋር ተፈራርሟል፡፡
ስምምነቱ÷ አየር መንገዱ በቦይንግ 787 ድሪምላይነር አውሮፕላኖች ላይ የሚደረጉ የ “ላንዲንግ ጊር” ጥገናዎችን የበለጠ ቀልጣፋ በማድረግ አውሮፕላኑን በአጭር ጊዜ ለበረራ ብቁ የሚያደርግ መሆኑ ተገልጿል፡፡
የኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰው እንደገለጹት÷ ይህ ስምምነት አየር መንገዳችን የቦይንግ ድሪምላይነር አውሮፕላኖችን ወደ አገልግሎት ባስገባበት 10ኛ ዓመት ላይ የተደረገ ነው፡፡
ይህም ከቦይንግ ኩባንያ ጋር ያለንን የረጅም ጊዜ ወዳጅነት ማሳያ ነው ማለታቸውን የአየር መንገዱ መረጃ ያመላክታል፡፡
ዘወትር ከእኛ ጋር ስላሉ እናመሰግናለን!