አዲስ አበባ፣ ሐምሌ 28፣ 2014 (ኤፍ ቢ ሲ) ምሽቱን በኮሎምቢያ ካሊ የዓለም ከ20 ዓመት በታች የአትሌቲክስ ሻምፒዮና በተካሄደው የወንዶች 800 ሜትር እና የሴቶች 1 ሺህ 500 ሜትር የማጣሪያ ውድድር ኢትዮጵያውያን አትሌቶች ወደሚቀጥለው ዙር ማለፋቸውን አረጋግጠዋል፡፡
በዚሁ መሰረት÷ አትሌት ኤርሚያስ ግርማ 1 ደቂቃ ከ48 ሰከንድ ከ39 ማይክሮ ሰከንድ በሆነ ሰዓት 1ኛ በመውጣት እንዲሁም አትሌት መርሲሞይ ካሳሁን 1 ደቂቃ ከ48 ሰከንድ ከ54 ማይክሮ ሰከንድ በሆነ ሰዓት በመግባትወደሚቀጥለው ግማሽ ፍፃሜ ማለፋቸውን የአትሌቲክስ ፌደሬሽን መረጃ ያመላክታል።
ምሽቱን በተካሄደ የ1 ሺህ 500 ሜትር የሴቶች የማጣሪያ ውድድር ደግሞ ÷ አትሌት መብርሂት መኮንን 4 ደቂቃ ከ18 ሰከንድ ከ97 ማይክሮ ሰከንድ በሆነ ሰዓት 1ኛ በወውጣት ወደሚቀጥለው የፍፃሜ ውድድር አልፍለች።
እንዲሁም አትሌት ብርቄ ኃየሎም 4 ደቂቃ ከ18 ሰከንድ ከ6 ማይክሮ ሰከንድ በሆነ ሰዓት 1ኛ በመውጣት ወደሚቀጥለው የፍፃሜ ውድድር አልፋለች ።
ዘወትር ከእኛ ጋር ስላሉ እናመሰግናለን!