አዲስ አበባ፣ ሚያዝያ 14፣ 2015 (ኤፍ ቢ ሲ) በኦሮሚያ ክልል ከግንቦት 1 ቀን 2015 ዓ.ም ጀምሮ የነዳጅ ግብይት በኤሌክትሮኒክስ ሥርዓት ብቻ እንደሚከናወን የክልሉ ንግድ ቢሮ አስታወቀ፡፡
በኤሌክትሮኒክስ የሚከነወነው የነዳጅ ግዥና ሽያጭ የተሳለጠ እንዲሆንም የሚመለከታቸው አካላት ከወዲሁ ዝግጁ እንዲሆኑ ሲል ቢሮው አሳስቧል፡፡
በሌላ በኩል እንደ አቢሲያ ካርድ ኩፖን እና ሌሎች የግብይት መፈጸሚያ ዘዴዎች ሲጠቀሙ የነበሩ ተቋማት እስከያዝነው በጀት ዓመት መጨረሻ ድረስ ብቻ መጠቀም እንደሚችሉ ነው የተገለጸው፡፡
ኔትወርክ በሌለበት አካባቢም ሲ ቢ ኢ ብር በመጠቀም የነዳጅ ግብይት መፈጸም እንዲቻል ከቴሌ ጋር ስምምነት ላይ ተደርሶ መተግበሪያው መበልጸጉን የኦሮሚያ ክልል ኮሙኒኬሽን ቢሮ መረጃ ያመላክታል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!