ሩሲያ፣ ቻይና እና ኢራን የጋራ የባህር ሃይል ልምምድ ጀመሩ

የሩሲያ የባህር ሃይል ልምምዱን የተቀላቀለ ሲሆን፥ ቻይና በዛሬው እለት የባህር ሃይሏን ወደ ስፍራው ትልካለች።

ቴህራ ልምምዱ ለሰላም፣ ወዳጅነትና በአካባቢው በትብብር ደህንነትን ለማረጋገጥ ያለመ መሆኑን ገልጻለች።

የቻይናው መከላከያ ሚኒስትር ቃል አቀባይ ው ቂያን በበኩላቸው፥ ልምምዱ የሶስቱን ሃገራት ትብብርና ወዳጅነት እንደሚያጠናክር ተናግረዋል።

ልምምዱ በባህር ዘራፊዎች በመርከቦች ላይ የሚቃጣን ጥቃት መከላከል በሚቻልበት አግባብ ላይ ያተኮረ ነው ተብሏል።

የኢራን ብሄራዊ አብዮታዊ ዘብም በልምምዱ ተካፋይ መሆኑ ተገልጿል።

ምንጭ፦ አልጀዚራ