በጀርመን ለህዳሴ ግድብ ግንባታ እና ለተፈናቀሉ ወገኖች ማቋቋሚያ የገቢ ማሰባሰቢያ ተካሄደ

በኑረንበርግ የኢትዮጵያ ኮሚዩኒቲ ማህበር አስተባባሪነት በተዘጋጀው የድጋፍ ማሰባሰቢያ ላይ በጀርመን የኢትዮጵያ አምባሳደር ሙሉ ሰሎሞን መሳተፋቸው ተገልጿል።

በመርሃግብሩ ለታላቁ የኢትዮጵያ ህዳሴ ግድብ ማጠናቀቂያ እና ለተፈናቀሉ ወገኖች ማቋቋሚያ የሚሆን 1 ሚሊየን 88 ሺህ ብር ማሰባሰብ ተችሏል፡፡

የኮሚዩኒቲ አባላቱ በቀን አንድ ዩሮ ለወገን በማዋጣት ያለማቋረጥ እንደሚቀጥሉ አረጋግጠዋል ነው የተባለው።

አባላቱ ለኢትዮጵያ የቁርጥ ቀን ልጆች መሆናቸውን በማረጋገጥ፣ ለሀገር ጥሪ ሲደረግና በራሳቸው ተነሣሽነት የመንግሥትን ሀገር የማዳን ጥሪ በመደገፍ፣ ለኢትዮጵያ አለኝታነታቸውን ማረጋገጣቸውን ከውጭ ጉዳይ ሚኒስቴር የተገኘው መረጃ ያመለክታል፡፡