ኣዲስ ኣበባ፣ 22 ለካቲት፣ 2015 (ኤፍ ቢ ሲ)ኣብ መወዳእታ እዚ ሰሙን ኣብ ናይጀሪያ ዝተኻየደ ፕሬዚዳንታዊ መረፃ ብዓወት ሕፁይ ገዛኢ ፓርቲ ቦላ ቲኑቡ ምዝዛሙ ተገሊፁ።
ዘይሻራዊ ኮሚሽን መፈፀሚ መረፃ እታ ሃገር ከምዝሓበሮ፥ ነበር ኣመሓዳሪ ሌጎስ ቦላ ቲኒቡ 8 ነጥቢ 79 ሚሊየን ድምፂ ብምርካብ ተዓዋቲ ኮይኖም።
ቀንዲ ተነሓናሒ ቲኑቡ ዝነበሩ ኣቲኩ ኣቡበከር ድማ 6 ነጥቢ 98 ሚሊየን ድምፂ ብምርካብ ብፀቢብ ኣፈላላይ ድምፂ ኣብቲ ፕሬዚዳንታዊ መረፃ ከምዝተሰዓሩ ሬውተርስ ፀብፂቡ፡፡
ብመናእሰይ ናይጄሪያ ተፈታዊ ዝኾኑ ፒተር ኦቢ 6 ነጥቢ 1 ሚሊየን ድምፂ ከምዝረኸቡ ተገሊፁ፡፡
ተናሓናሕቲ ፓርቲታት ብቴክኖሎጂ ተሓጊዙ ኢዩ ዝተብሃለ ከይዲን ውፅኢትን መረፃ ኣይንቕበልን ምባሎም ተሓቢሩ፡፡
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube